| Latvııa prezıdenti Egıl Levıts parlamenttiń Adam quqyǵy jáne qoǵamdyq ister jónindegi komıssııasyna qaırylyp, Elektrondy BAQ týraly zańdy qaıta qaraýdy usyndy. |
Memleket basshysy Eýroodaqtyń resmı tilderinde habar taratý kólemin arttyrýdy surady. Eger bul usynys qabyldansa, orys tilinde habar taratý 20 paıyzǵa azaıady. Eýropa Odaǵynyń 24 resmı tili bar. Olardyń arasynda aǵylshyn, nemis, ıspan, latysh tilderi bar.
Bul týraly Caravan.kz medıa-portaly Azattyq radıosyna silteme jasap habarlady.
Prezıdenttiń pikirinshe, bul talaptar baǵdarlamalardy retranslıaııa jasaıtyn kabeldik telearna, elektrondy BAQ-qa da qatysty.
"Aqparat keńistigi - Latvııa demokratııasy men qaýipsizdigine qatysty mańyzdy másele. Eýropanyń mádenı keńistigine sińip, Eýropanyń aqparattyq ortasyna enýi úshin Latvııa turǵyndary sapaly jáne plıýralıstik baǵdarlamalar kóre alýy tıis, osynyń zańnamalyq turǵyda tetikteri bolýy tıis",- dedi Levıts.
Onyń sózine qaraǵanda zańdaǵy ózgerister buǵan deıin tıimdi sheshimi tabylmaǵan qordalanǵan máselelerdi sheshýge kómektesedi.
2019 jyly Latvııanyń elektrondy BAQ jónindegi ulttyq keńesi "ýkraınalyqtarǵa jekkórý sezimin týdyrǵany úshin" reseılik RTR-Rossııa arnasyn retranslıaııa jasaýǵa tyıym salǵan.
