بيىلعى بارلىق باستامالار مەن يگى ىستەر حالقىمىزدىڭ بىرلىگىن بەكەمدەيدى. بۇل تۋرالى قازاقستان پرەزيدەنتى قاسىم-جومارت توقاەۆ ايتتى، دەپ حابارلايدى قازاقپارات ءتىلشىسى.
«جىل باسىنان بەرى الەۋمەتتىك ماڭىزى زور ونداعان جالپىۇلتتىق جوبا قولعا الىندى. ۆولونتەر جىلىنىڭ باستى ۇرانى - بىرگەمىز. سوندىقتان بيىلعى بارلىق باستامالار مەن يگى-ىستەر حالقىمىزدىڭ بىرلىگىن بەكەمدەيدى دەپ سەنەمىن. مەن ۇسىنعان «ءارالۋان پىكىر - ءبىرتۇتاس ۇلت» تۇجىرىمى وسىنداي شارالار ارقىلى جۇزەگە اسىرىلۋى كەرەك»، - دەدى مەملەكەت باسشىسى ۆولونتەرلەردىڭ «BIRGEMIZ» رەسپۋبليكالىق فرونت-كەڭسەسىن رەسمي ىسكە قوسۋ شاراسىندا. قازاقستان پرەزيدەنتى مەملەكەت ەرىكتىلەرگە ارقاشان قولداۋ كورسەتەتىندىگىن باسا ايتتى. «الداعى كەزەڭدە ءبىز بىرقاتار ماڭىزدى ماسەلەگە ايرىقشا نازار اۋدارۋعا ءتيىسپىز. ەڭ الدىمەن جاستار جىلىنىڭ جابىلۋىنا ارنالعان شارادا مەن ءبىزدىڭ قوعامىزدىڭ ناقتى ماسەلەلەرىن شەشۋگە باعىتتالعان بىرقاتار جوبانى اتاعان ەدىم. اۋىلداعى جاستار، بالالار ءۇيىنىڭ تاربيەلەنۋشىلەرى، ارداگەرلەر مەن زەينەتكەرلەر كومەككە مۇقتاج. اسىرەسە ناۋقاستاردىڭ بەيىمدەلۋىنە جانە كۇتىمىنە قول ءۇشىن بەرۋ قۇندى بولا تۇسپەك»، - دەدى قاسىم-جومارت توقاەۆ.
