قازاقستان كوروناۆيرۋستى انىقتايتىن پرەپاراتتار الدى، - دەپ حابارلايدى Tengrinews.kz تىلشىسى رف تۇتىنۋشىلاردىڭ قۇقىقتارىن قورعاۋ جانە ادامنىڭ ساۋلىعىن قاداعالاۋ جونىندەگى فەدەرال قىزمەتكە سىلتەمە جاساپ.
روسپوترەبنادزور ەاەو جانە تمد ەلدەرىنە، ونىڭ ىشىندە قازاقستانعا جاڭا كوروناۆيرۋس ينفەكتسياسىنىڭ دياگنوستيكاسىنا پرەپاراتتار جىبەردى.
"ەۋرازيالىق ەكونوميكالىق وداق پەن تاۋەلسىز مەملەكەتتەر دوستاستىعىنا مۇشە ەلدەرگە جاڭا كوروناۆيرۋس ينفەكتسياسىنىڭ كەلۋىنە جانە تارالۋىنا جول بەرمەۋگە كومەك كورسەتۋ ماقساتىندا تۇتىنۋشىلاردىڭ قۇقىقتارىن قورعاۋ جانە ادامنىڭ ساۋلىعىن قاداعالاۋ جونىندەگى فەدەرال قىزمەتى روسپوترەبنادزوردىڭ "ۆەكتور" ۆيرۋسولوگيا جانە بيوتەحنولوگيا مەملەكەتتىك عىلىمي ورتالىعى فەدەرال بيۋدجەتى عىلىمي مەكەمەسى ازىرلەگەن 2019-nCoV جاڭا كوروناۆيرۋسىن زەرتحانا دياگنوستيكاسى قۇرالدارىن وتەۋسىز نەگىزدە سەرىكتەس ەلدەرگە بەرەدى", - دەلىنگەن حابارلامادا.
اقپاننىڭ 1-2 كۇندەرى 2019-nCoV ۆيرۋسىن انىقتاۋ ءۇشىن رەسەيلىك تەست-جۇيەلەردىڭ قاجەتتى مولشەرى قازاقستانعا، ارمەنياعا، بەلارۋس پەن وزبەكستانعا بەرىلگەنى ايتىلادى. قىرعىزستان مەن تاجىكستانعا جەتكىزۋ كۇتىلەدى.
"ەۋرازيالىق ايماق ەلدەرىنە تەست-جۇيەلەردى جەتكىزۋ رەسەي فەدەراتسياسى ۇكىمەتىنىڭ قولداۋىمەن ينفەكتسيالىق اۋرۋلار قاتەرىنە قارسى كۇرەس بويىنشا الەۋەتتى ارتتىرۋدا كورشىلەس مەملەكەتتەردى قولداۋ شارالارىن روسپوترەبنادزوردىڭ جۇزەگە اسىرۋى اياسىندا ۇيىمداستىرىلادى.
ەپيدەمياعا قارسى ءىس-قيمىل سالاسىنداعى ءوزارا ارەكەت، سونىڭ ىشىندە جۇقپالى اۋرۋلاردى انىقتاۋ مەن الدىن الۋدىڭ زاماناۋي قۇرالدارىن تەگىن جەتكىزۋدى قوسا العاندا، حالىقتىڭ سانيتارلىق-ەپيدەميولوگيالىق سالاۋاتىن قامتاماسىز ەتۋگە جانە ەۋرازيالىق كەڭىستىكتە حالىقتىڭ دەنساۋلىعىن قورعاۋعا ەلەۋلى ۇلەس قوسادى", - دەپ قورىتىندىلادى ۆەدومستۆو وكىلدەرى.
