رەسەي شوۋ-بيزنەس وكىلدەرى ديماش قۇدايبەرگەننىڭ ينستاگرامىنداعى رەسمي پاراقشاسىنا جازىلۋدى توقتاتىپ، دوستىقتان شىعىپ جاتىر، – دەپ حابارلايدى sm-news.ru سايتى.
بۇعان دەيىن ديماش تانىمال رەسەي كومپوزيتورى يگور كرۋتويمەن جۇمىس ىستەگەنى بەلگىلى. «ەندىگى تاڭدا قازاقتىڭ تالانتتى ۇلى وڭتۇستىك كورەيا ەلىنىڭ سازگەرىمەن جۇمىس ىستەۋى مۇمكىن» دەگەن راستالماعان اقپارات تاراعان ەدى.
باسكوۆ، كيركوروۆ، پەحا، دولينا، ساۆيچەۆا، گاگارينا – ديماشتىڭ ينستاگرامداعى پاراقشاسىنا جازىلۋدان شىعىپ كەتۋى – قازاق انشىسىنە قارسى جاسالعان «بويكوت» دەيدى رەسەي سايتىنىڭ ساراپشىلارى.
– يگور كرۋتويمەن ارى قاراي جۇمىس ىستەۋ ماسەلەسىنە بايلانىستى رەسەي انشىلەرى ديماشقا وسىلاي قىر كورسەتىپ، رەسەيلىك سازگەردى جاقتاۋدا. ولاردىڭ قولداۋىنسىز بيىككە كوتەرىلگەن ديماش، ولاردىڭ شىعىپ كەتكەنىن بايقاماي دا قالۋى مۇمكىن، – دەپ جازادى اتالمىش سايت.
دەرەككوزى:DalaNews
