شارادا مەكتەپ وقۋشىلارى مەن جوعارى وقۋ ورىندارىنىڭ ستۋدەنتتەرىنە ويشىلدىڭ ءومىربايانى مەن ەڭبەكتەرى تانىستىرىلدى. سونداي-اق، تۇرىك ەلىنىڭ اتاقتى عالىمدارى جاستارعا ياساۋي ولەڭدەرىنىڭ ءمان-ماعىناسىن ءتۇسىندىردى.
سونىمەن قاتار، انكارا اۋدانىنىڭ بالالار حورى اقىننىڭ شىعارلامالارىن ورىنداپ، شاعىن كونتسەرتتىك باعدارلاما قويدى.
«2016 جىلدى يۋنەسكو-نىڭ قوجا احمەت ياساۋي جىلى، دەپ جاريالاۋى كۇللى تۇركى الەمى ءۇشىن قۋانىشتى حابار. ءبىزدىڭ ەندىگى ماقساتىمىز، ۇلى ويشىلىمىزدى كەڭىنەن ناسيحاتتاۋ. قازاق-تۇرىك ۋنيۆەرسيتەتى ءبىر جىلدىق جوسپارىن بەكىتىپ قويدى. مىسالى، ءساۋىر ايىندا تۇركيادا حالىقارالىق كونفەرەنتسيا ۇيىمداستىرىپ، ودان كەيىن ياساۋي ولەڭدەرىن مانەرلەپ وقۋدان جاستار اراسىندا جارىس وتكىزەمىز. سونداي-اق قازاقستاندا دا بىرنەشە شارا وتكىزۋ جوسپارلانعان»،-دەيدى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى وكىلەتتى كەڭەسىنىڭ توراعاسى مۇسا يىلدىز.