24 قاڭتاردا ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆ شەتەلدىك ءنومىرى بار كولىكتەردىڭ ماسەلەسىن شەشۋ ءۇشىن ولاردى ۋاقىتشا تىركەۋدى تاپسىردى.
- ۇكىمەت 2020 جىل 1 اقپانعا دەيىن ەۋرازيا ەكونوميكالىق وداعى اۋماعىنان اكەلىنگەن كولىكتەردى ءبىر ايدىڭ ىشىندە ءبىر رەت ۋاقىتشا تىركەۋدەن وتكىزۋى ءتيىس. بۇل تىركەۋ 2021 جىلدىڭ 1 ناۋرىزىنا دەيىن جارامدى بولادى، - دەدى توقاەۆ.
پرەزيدەنت مۇنداي كولىگى بار ادامدار 2021 جىلدىڭ 1 ناۋرىزىنا دەيىن كەدەندىك باج سالىعى مەن ۋتيليزاتسيا الىمىن تولەپ، كولىكتى تۇراقتى تىركەۋدەن وتكىزۋى قاجەت نەمەسە كولىكتى قازاقستان اۋماعىنان شىعارۋى ءتيىس نەمەسە زاڭمەن تىيىم سالىنباعان باسقا ارەكەتتى جۇزەگە اسىرۋى ءتيىس دەدى.
توقاەۆ بۇعان قوسا، باس پروكۋراتۋراعا بۇل ماسەلەگە قۇقىقتىق باعا بەرۋدى تاپسىردى.
بيىل قاڭتاردىڭ 14-ءى كۇنى ىشكى ىستەر مينيسترلىگى "قازاقستان اۋماعىنا كىرگەن ارمەنيا، قىرعىزستان، رەسەي ءنومىرى بار كولىكتەردى زاڭعا ساي تىركەۋ كەرەگىن" مالىمدەگەن. قازاقستان بيلىگىنىڭ ەلدە ارمەنيالىق، قىرعىزستاندىق جانە رەسەيلىك نومىرلەرمەن جۇرگەن اۆتوكولىكتەردى زاڭ جولىمەن تىركەۋ تۋرالى تالابى كەي جۇرگىزۋشىلەردىڭ نارازىلىعىن تۋدىرعان.
