پروكۋراتۋرا "قازاقمىس" توپ-مەنەدجەرى امانگەلدى مىنىعۇلوۆقا جاسالعان شابۋىلدىڭ ءمان-جايىن ايتىپ بەردى، - دەپ حابارلايدى Tengrinews.kz ءتىلشىسى قاراعاندى وبلىستىق پروكۋراتۋراسىنىڭ ءباسپاسوز قىزمەتىنە سىلتەمە جاساپ. "21 قاڭتاردا "قازاقمىس كورپوراتسياسى" جشس-دا باس ديرەكتور امانگەلدى مىنىعۇلوۆتىڭ كابينەتىندە "قازاقمىس كورپوراتسياسى" جشس "كاسىپقورعان" كاسىپوداق توراعاسى توعىزباي تاجبەنوۆ اراسىندا جانجال بولعان. كورپوراتسيا قىزمەتكەرلەرى بىردەن جەدەل جاردەم مەن پوليتسيا قىزمەتكەرلەرىن شاقىرعان. پوليتسيا قىزمەتكەرلەرى وقيعا ورنىندا توعىزباي تاجبەنوۆتىڭ دەنەسىن جانە بىرنەشە دەنە جاراقاتىن العان امانگەلدى مىنىعۇلوۆ پەن تەمباەۆا س. ا-نى ("قازاقمىس" كورپوراتسياسى" جشس ءبولىم باستىعى) انىقتاعان. ولارعا مەديتسينالىق كومەك كورسەتىلدى", - دەلىنگەن پروكۋراتۋرا حابارلاماسىندا. "قازاقمىس" باس ديرەكتورىنا ءوز كابينەتىندە پىشاقپەن شابۋىل جاسالدى پروكۋراتۋرا مالىمەتىنشە، ءىس بويىنشا سوتقا دەيىنگى تەرگەۋ امالدارى باستالعان. ءبىرىنشىسى - ولتىرۋگە تىرىسقانى ءۇشىن، ەكىنشىسى - ءوز-وزىنە قول جۇمساۋعا جەتكىزۋ بويىنشا. "تەرگەۋ امالدارىنىڭ العاشقى نۇسقالارى بويىنشا، تاجبەنوۆ "قازاقمىس" كورپوراتسياسى" جشس باس ديرەكتورىنىڭ كابينەتىنە تەگىس ۇڭعىلى قارۋ (تاجبەنوۆتىڭ اتىنا تىركەلگەن) الىپ كەلگەنى جانە ول قۇرالدان ءبىر رەت اتقانى انىقتالعان. الايدا ول سوققىدان ەشكىم زارداپ شەكپەگەن. مىلتىقپەن اتۋ ءساتى بەينەباقىلاۋ كامەراسىنا ءتۇسىپ قالعاندىقتان جانە وقيعا ورنىنان دالەلگە كەلەتىن زاتتار تابىلعاندىقتان بەلگىلى بولعان", - دەيدى پروكۋراتۋرا ءباسپاسوز قىزمەتى. "قازاقمىس" باس ديرەكتورى تۋرالى نە بىلەمىز؟ كۋاگەرلەردىڭ ايتۋىنشا، وق اتىلعاننان كەيىن مىنىعۇلوۆ، تەمباەۆ جانە تاجبەنوۆ پىشاق جاراقاتىن العان. تاجبەنوۆتىڭ ولىمىنە قاتىستى تەرگەۋ ماماندارى ەكى نۇسقانى - ادام ءولتىرۋ نە ءوز-وزىنە قول جۇمساۋعا جەتكىزۋ دەرەگى تەكسەرىلىپ جاتىر. سونىمەن قاتار، مىنىعۇلوۆ پەن تەمباەۆتىڭ پىشاق جاراقاتىن الۋ دەرەگىنە قاتىستى كىسى ءولتىرۋ نۇسقاسى تەكسەرىلىپ جاتىر. ۆەدومستۆو وكىلدەرى تەرگەۋ باستاپقى دەڭگەيدە ەكەنىن ايتىپ، تۇرعىنداردان الدىن الا بولجام جاساماۋىن سۇرادى. ەسكە سالايىق، 21 قاڭتاردا "قازاقمىس كورپوراتسياسى" جشس كەن-بايىتۋ كەشەنىنىڭ باس ديرەكتورى امانگەلدى مىنىعۇلوۆ جەزقازعاندا پىشاق جاراقاتىن العان. وعان شابۋىلدى "قازاقمىس كورپوراتسياسى" جشس "كاسىپقورعان" كاسىپوداق توراعاسى ت.ا.تاجبەنوۆ جاساعان. ولاردىڭ اراسىندا جانجال بولعان ەكەن. سوسىن ول مىنىعۇلوۆتىڭ ارقاسىنا پىشاق جاراقاتىن سالعان. وقيعا 21 قاڭتاردا ساعات 18.20-دا بولعان. "قازاقمىس كورپوراتسياسى" جشس مامانى س.ا. تەمباەۆ تا زارداپ شەككەن، ول قاقتىعىستىڭ الدىن الۋعا تىرىسقان. ونىڭ كەۋدە تۇسى پىشاقتان جاراقاتتانعان. "سوسىن، كۋاگەرلەردىڭ ايتۋىنشا، ت.ا.تاجبەنوۆ ءوز كەۋدەسىنە پىشاق ۇرىپ، وقيعا ورنىندا قازا تاپقان. ا.م. مىنىعۇلوۆ پەن س.ا.تەمباەۆ اۋرۋحاناعا جەتكىزىلدى. وسى دەرەك بويىنشا تەرگەۋ ءجۇرىپ جاتىر", - دەپ حابارلادى پوليتسياداعىلار.
tengrinews.kz
"قازاقمىس" وقيعاسى: ادام ءولتىرۋ دەرەگى بويىنشا تەرگەۋ ءجۇرىپ جاتىر
24.01.2020
2637
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз