پاۆلودار وبلىسىنىڭ اكىمى بولات باقاۋوۆ قاماۋعا الىندى. باقاۋوۆپەن بىرگە ورىنباسارى ارىستان قابىكەنوۆ تە قاماۋعا الىنىپتى دەگەن حابار پاۆلودار كوشەسىن كەزىپ كەتتى. بىلەتىندەردىڭ ايتۋىنشا ەلوردادان كەلگەن ۇقك قىزمەتكەرلەرى قاماۋعا العان دەيدى.
ەستەرىڭىزدە بولسا، وتكەندە الەۋمەتتىك جەلىدە وبلىس اكىمىنىڭ سۋرەتى 32 ميلليونعا ساتىلعان ۆيدەوسى قوعامدا ۇلكەن رەزونانس تۋدىرعان بولاتىن.
وبلىس اكىمىنىڭ ءباسپاسوز قىزمەتىنە حابارلاسقانىمىزبەن، تەلەفون تۇتقاسىن كوتەرمەدى. ارنايى ورىندار رەسمي اقپارات بەرمەي وتىر.
بولات جۇمابەكۇلى باقاۋوۆ (27 ماۋسىم, 1971, پاۆلودار وبلىسى, جەلەزين اۋدانى, نوۆوكۋزمينكا اۋىلى) - پاۆلودار وبلىسىنىڭ اكىمى (25.03.2016 جىلدان باستاپ).
ءبىلىمى
- قازاق قۇقىقتانۋ جانە حالىقارالىق قاتىناستار ينستيتۋتىن (2003) «زاڭ عىلىمدارى» ماماندىعى بويىنشا;
- حالىقارالىق بيزنەس، ەكونوميكا جانە كاسىپورىنداردى باسقارۋ اكادەمياسىن (2005) بىتىرگەن.
ءومىربايانى
- 1988 جىلدان - پاۆلودار وبلىسى جەلەزين اۋدانىنىڭ «كەڭەستىك قازاقستان» كەڭشارى اۆتوگاراجىنىڭ جۇمىسشىسى.
- 1989 جىلدان - كەڭەس اسكەرىنىڭ قاتارىندا قىزمەتتە.
- 1991 جىلدان - پاۆلودار وبلىسى جەلەزين اۋدانىنىڭ «كەڭەستىك قازاقستان» كەڭشارى اۆتوگاراجىنىڭ جۇرگىزۋشىسى.
- 1993 جىلدان - پاۆلودار وبلىسى جەلەزين اۋدانى «ادىلەت» شاعىن كاسىپورىنىنىڭ ديرەكتورى.
- 1996 جىلدان - پاۆلودار وبلىسى جەلەزين اۋدانى «باقاۋوۆ» كش جەتەكشىسى.
- 1998 جىلدان - جەكە كاسىپكەر.
- 2007 جىلدان - «تولىمبەك» كش جشس ديرەكتورى.
- 2008 جىلدىڭ 19 جەلتوقسانىنان - پاۆلودار وبلىسى تەرەڭكول اۋدانىنىڭ اكىمى.
- 2011 جىلدىڭ قازانى - 2014 جىلدىڭ ءساۋىرى ارالىعىندا - اقسۋ قالاسىنىڭ اكىمى.
- 2016 جىلعى 25 ناۋرىزدان - پاۆلودار وبلىسىنىڭ اكىمى.
قوعامدىق قىزمەتى
- پاۆلودار وبلىستىق ءماسليحاتىنىڭ دەپۋتاتى (2003-2007).
ماراپاتتارى
- «ەرەن ەڭبەگى ءۇشىن» مەدالىمەن ماراپاتتالعان (2002).
- «وبلىس الدىندا سىڭىرگەن ەڭبەگى ءۇشىن» ءتوس بەلگىسى
- «قۇرمەت» وردەنى (2015).
"ادىرنا" ۇلتتىق پورتالى
