2019 جىلى زورلاۋ ءىسى بويىنشا جارتىسىنان كوبى تاراپتاردىڭ مامىلەگە كەلۋىنە بايلانىستى قىلمىستىق ىستەر قىسقارعان. بۇل تۋرالى ءىىم تەرگەۋ كوميتەتىنىڭ باسشىسى سانجار ءادىلوۆ ايتتى، - دەپ حابارلايدى Tengrinews.kz ءتىلشىسى.
"زورلاۋ بويىنشا بارلىق قىلمىستىق ىستەر تەك سوتقا جىبەرىلەدى. 2019 جىلى زورلاۋ بويىنشا قىلمىستىق ىستەردىڭ 51 پايىزى قىلمىستىق كودەكستىڭ ەرەجەلەرىنە سايكەس توقتاتىلدى. قر قىلمىستىق كودەكسىنىڭ 120-بابى 1-بولىگى ("زورلاۋ") جانە 121-بابى ("سەكسۋالدىق سيپاتتاعى زورلىق-زومبىلىق ارەكەتتەرى") بويىنشا كوزدەلگەن قۇقىق بۇزۋشىلىق جاساعاندار تاراپتاردىڭ مامىلەگە كەلۋ تۋرالى ارىز بولعان كەزدە سەكسۋالدىق سيپاتتاعى زورلاۋ ارەكەتتەرى قىلمىستىق جاۋاپكەرشىلىكتەن بوساتىلدى. زاڭدى قولدانۋدىڭ وسىنداي تاجىريبەسى قوعام تاراپىنان سىنعا ۇشىرادى", - دەپ ءتۇسىندىردى ءادىلوۆ.
ەندى، ونىڭ ايتۋىنشا، جازانىڭ كوپ بولىگىن وتەۋ قاجەتتىلىگى بەكىتىلگەننەن كەيىن زورلىق-زومبىلىق جانە جىنىستىق قىلمىس جاساۋعا جول بەرىلمەيدى. ەسكە سالايىق، قازاقستاندا زورلاۋدان كەيىن مامىلەگە كەلۋ تاجىريبەسىن الىپ تاستادى. زورلىق-زومبىلىق ورتا اۋىرلىق دەڭگەيىنەن اۋىر قىلمىس تۇرىنە كوشەتى. بالالارعا قارسى جاسالعان مۇنداي قىلمىستار اسا اۋىر قىلمىستارعا جاتقىزىلادى. 14 جاسقا تولماعان بالالارعا قارسى زورلىق-زومبىلىق جاساعانى ءۇشىن 20 جاسقا دەيىنگى باس بوستاندىعىنان ايىرۋ جازاسى نەمەسە ءومىر بويى قاماۋ كوزدەلەدى.
