اۋەلدە تۇلكىنىڭ قۇيرىعى جوق ەدى. قۇيرىعىنىڭ جوقتىعى وعان بەك قاتتى زالال كەلتىرگەن، ويتكەنى جۇرگەن ءىزىن جاسىرا المايدى. ءاردايىم تۇلكىنىڭ ارتىنا ءتۇسىپ اڭدىپ ءجۇرىپتى. ءبىر كۇنى قاسقىر بارىپ ونىڭ ىنىنە كىرەدى. ەگەردە تۇلكى ءىنىنىڭ باسقا جاعىنداعى اۋزىنان شىعىپ كەتپەسە ءولتىرىپ تاستار ەدى. الدەن سوڭ تۇلكى اعاش ىشىنە كىرىپ كەتىپ، اعاشتىڭ تۇبىندە تۇرعان قوياندى كورەدى. ول مەزگىلدە قويانداردىڭ قۇيرىعى ۇزىن بولىپ، شاپشاڭ جۇرگەندەرىنە ىڭعايسىز بولىپ تۇرۋشى ەدى. سول جەردە تۇلكى قوياندى ۇستاپ الىپ، ولتىرمەكشى بولىپ جاتقاندا قويان سۇرايدى:
- «مەنى ولتىرمە، ساعان قۇيرىعىمدى بەرەيىن»، دەپ ۋادە قىلادى. مۇنىسىنا تۇلكى كونىپ، ەكەۋى سول جەردە قۇيرىقتارىن ايىرباستاپتى. سونان بەرى تۇلكىنىڭ قۇيرىعى ۇزىن بولىپ، قوياننىڭ قۇيرىعى قىسقا بولىپ قالىپتى.
