تەحنيكالىق جۇمىستاردىڭ جۇرگىزىلۋىنە بايلانىستى اۆتوكولىك تىركەۋ جانە جۇرگىزۋشى كۋالىگىن بەرۋ فۋنكتسيالارى ۋاقىتشا توقتاتىلدى
نۇر-سۇلتان، 4 قاڭتار — Sputnik. تەحنيكالىق جۇمىستاردىڭ جۇرگىزىلۋىنە بايلانىستى بۇگىن، 4 قاڭتاردا ەلىمىزدە مامانداندىرىلعان حالىققا قىزمەت كورسەتۋ ورتالىقتارى جۇمىس ىستەمەيدى. بۇل تۋرالى "ازاماتتارعا ارنالعان ۇكىمەت" مەملەكەتتىك كورپوراتسياسىنىڭ Facebook-تەگى رەسمي پاراعىندا حابارلانعان.
"قازاقستان ىشكى ىستەر مينيسترلىگىنىڭ باستاماسىمەن كولىكتى تىركەۋ جانە جۇرگىزۋشى كۋالىكتەرىن بەرۋ بويىنشا قىزمەتتەردى كورسەتۋگە، سونداي-اق مەملەكەتتىك نومىرلەردى دايىنداۋعا جاۋاپ بەرەتىن اقپاراتتىق جۇيەلەردى سۇيەمەلدەۋ بويىنشا فۋنكتسيالار "اقپاراتتىق-وندىرىستىك ورتالىق" رەسپۋبليكالىق مەملەكەتتىك كاسىپورنى قاراماعىنا بەرىلدى", - دەلىنگەن مالىمەتتە.
تەحنيكالىق جۇمىستاردىڭ جۇرگىزىلۋىنە بايلانىستى 4 قاڭتاردا مامانداندىرىلعان حالىققا قىزمەت كورسەتۋ ورتالىقتارى جۇمىس ىستەمەيدى.
"بۇگىن "ازاماتتارعا ارنالعان ۇكىمەتتىڭ" مامانداندىرىلعان حالىققا قىزمەت كورسەتۋ ورتالىقتارىندا قۇجاتتار دايىندايتىن جابدىقتار مەن جاڭا اقپاراتتىق جۇيەنى ىسكە قوسۋ بويىنشا جۇمىستار جۇرگىزىلىپ جاتىر", - دەلىنگەن حابارلامادا.
