پۋتين يمپيچمەنت تۋرالى ونى "ويدان شىعارىلعان" دەپ "رەسمي نۇسقاۋلىق" بەرىپ ەدى، ۋكرايندىق جانە امىريكاندىق ترامپشىلدار: "مىنە، كوردىڭدەر مە؟" دەگەندەي فب بەتىن جايلاپ، جان-جاققا تاراتىپ جاتىر.
دۇرىسىندا بىلاي.
يمپيچمەنت يۋريديكالىق تۇرعىدان ءابسوليۋتتى تۇردە زاڭدى، لەگيتيمدى. وعان بارلىق ءىرى زاڭگەرلەر، ادۆوكاتتار، پروكۋرورلار اسسوتسياتسياسى ءوز قورىتىندىلارىن بەرگەن. قورىتىندى – يمپيچمەنت ءادىل، يۋريديكالىق نەگىزى جەتكىلىكتى، كونستيتۋتسياعا سايكەس، وكىلدەر پالاتاسىنىڭ رەگلامەنتى بويىنشا ەش كىنارات جوق، تازا دەپ بەرىلگەن.
ءارى قاراي.
يمپيچيەنت – تەك قانا وكىلدەر پالاتاسىنىڭ پرەروگاتيۆاسى. تەك سول عانا يمپيچمەنت جاريالاۋ قۇقىنا يە. سەناتتىڭ بۇل جەرگە ەش قاتىسى جوق.
ءارى قاراي.
يمپيچمەنت ورىن الدى جانە ول – ماڭگىلىك. تيۋبيكتەگى پاستا سياقتى – كەيىن قاراي قايتا تىعا المايسىڭ.
يمپيچمەنتتى وكىلدەر پالاتاسىندا قايتا داۋىسقا سالا المايسىڭ. ونىڭ كۇشىن جويا المايسىڭ. ءتىپتى جوعارعى سوت تا – وعان ەشقانداي اپەللياتسيا جۇرمەيدى. ول اننۋليروۆانيەگە جاتپايدى. كەيىن قايتارا المايسىڭ. وشىرە المايسىڭ. جىلدار وتە كەلە ۇمىتىلمايدى.
ءارى قاراي.
سەنات تا وعان ەشتەڭە جاساي المايدى، وزگەرتە المايدى – يمپيچمەنت جاريالاندى جانە ول اياقتالعان ارەكەت! سەنات ونى بەكىتپەيدى، جالپى يمپيچمەنت ءسوزىنىڭ سەناتقا ەش قاتىسى جوق. ەگەر ءتىپتى پالاتا ءىستى سەناتقا بەرمەسە دە ول ءىس ۋاقىت وتە كەلە نولگە اينالىپ كەتپەيدى.
ءارى قاراي.
سەنات پرەزيدەنتتى اقتاۋى مۇمكىن، ءتىپتى ورنىندا قالدىرۋى دا مۇمكىن، بىراق بۇل يمپيچمەنتتىڭ كۇشىن جويۋ ەمەس، ول مۇلدەم باسقا پروتسەدۋرا. يمپيچمەنت جۇزەگە استى جانە ول ەل تاريحىنا، پرەزيدەنت رەزيۋمەسىنە ماڭگىلىك ەندى. وتتەرىڭ جارىلىپ كەتسە دە شىندىق وسى.
وسىنداي جاعداي.
ولەگ پونومار.
قۋانىش ەدىلحانتەگىنىڭ فەيسبۋك پاراقشاسىنان
