توقاەۆ ەلشىلەردى تاعايىندادى

2836
Adyrna.kz Telegram

مەملەكەت باسشىسىنىڭ جارلىعىمەن قازاقستاننىڭ بىرنەشە ەلدەگى توتەنشە جانە وكىلەتتى ەلشىلەرى تاعايىندالدى.  قازاقستان پرەزيدەنتى قاسىم-جومارت توقاەۆ سىرتقى ىستەر مينيسترلىگىندە كادرلىق اۋىس-ءتۇيىس جاسادى، دەپ حابارلايدى اقوردا.

پرەزيدەنتتىڭ وكىمىمەن باسقا جۇمىسقا اۋىسۋىنا بايلانىستى رومان ۆاسيلەنكو سىرتقى ىستەر ءمينيسترىنىڭ ورىنباسارى قىزمەتىنەن بوساتىلدى. ەندى ول قازاقستاننىڭ سلوۆاك رەسپۋبليكاسىنداعى توتەنشە جانە وكىلەتتى ەلشىسى قىزمەتىن اتقارادى.

نۇرلان سەيتىموۆ سىرتقى ىستەر مينيسترلىگىنىڭ جاۋاپتى حاتشىسى قىزمەتىنەن بوساتىلدى. مەملەكەت باسشىسىنىڭ جارلىعىمەن ول قازاقستاننىڭ ەستونياداعى توتەنشە جانە وكىلەتتى ەلشىسى بولىپ تاعايىندالدى.

سونىمەن قاتار، توقاەۆتىڭ جارلىعىمەن:

قازاقستاننىڭ سينگاپۋرداعى توتەنشە جانە وكىلەتتى ەلشىسى اركەن ارىستانوۆ قازاقستاننىڭ جاڭا زەلاندياداعى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە;

قازاقستاننىڭ ۆەتنام سوتسياليستىك رەسپۋبليكاسىنداعى توتەنشە جانە وكىلەتتى ەلشىسى ەرلان بايجانوۆ قازاقستاننىڭ كامبودجا كورولدىگىندەگى، لاوس حالىق دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە تاعايىندالدى

 

پىكىرلەر