Memleket basshysynyń jarlyǵymen Qazaqstannyń birneshe eldegi tótenshe jáne ókiletti elshileri taǵaıyndaldy. Qazaqstan prezıdenti Qasym-Jomart Toqaev syrtqy ister mınıstrliginde kadrlyq aýys-túıis jasady, dep habarlaıdy Aqorda.
Prezıdenttiń ókimimen basqa jumysqa aýysýyna baılanysty Roman Vasılenko syrtqy ister mınıstriniń orynbasary qyzmetinen bosatyldy. Endi ol Qazaqstannyń Slovak Respýblıkasyndaǵy tótenshe jáne ókiletti elshisi qyzmetin atqarady.
Nurlan Seıtimov syrtqy ister mınıstrliginiń jaýapty hatshysy qyzmetinen bosatyldy. Memleket basshysynyń jarlyǵymen ol Qazaqstannyń Estonııadaǵy tótenshe jáne ókiletti elshisi bolyp taǵaıyndaldy.
Sonymen qatar, Toqaevtyń jarlyǵymen:
Qazaqstannyń Sıngapýrdaǵy tótenshe jáne ókiletti elshisi Arken Arystanov Qazaqstannyń Jańa Zelandııadaǵy tótenshe jáne ókiletti elshisi qyzmetin qosa atqarýshy qyzmetine;
Qazaqstannyń Vetnam Soıalıstik Respýblıkasyndaǵy tótenshe jáne ókiletti elshisi Erlan Baıjanov Qazaqstannyń Kambodja Koroldigindegi, Laos Halyq Demokratııalyq Respýblıkasyndaǵy tótenshe jáne ókiletti elshisi qyzmetin qosa atqarýshy qyzmetine taǵaıyndaldy
