قر ۇلتتىق مۋزەيىندە قازاقستان رەسپۋبليكاسى سۋرەتشىلەر وداعىنىڭ مۇشەسى، ءمۇسىنشى مارات گابدراحمانوۆتىڭ قازاق حاندىعىنىڭ 550 جىلدىعىنا ارنالعان «كوشپەندىلەر» اتتى دەربەس كورمەسىنىڭ ءاشىلۋى راسىمى ءوتتى.
بۇل جولعى كورمەگە اۆتوردىڭ قازاقتىڭ مادەنيەتىن، تاريحى مەن تۇرمىسىن ايقىندايتىن 48 تۋىندىسى ۇسىنىلىپ وتىر.كورمەنىڭ اشىل سالتاناتىندا ءسوز سويلەگەن قر ۇلتتىق مۋزەيىنىڭ ديرەكتورى دارحان مىڭباي م.گابدراحمانوۆتىڭ شىعارماشىلىعىنا ساتتىلىك تىلەدى.- مۇنداي كورمەنىڭ ۇلتتىق مۋزەيدە ءوتۋىنىڭ ءوزى ءبىزدىڭ ۇجىمعا دەگەن ەرەكشە سەنىمدى بىلدىرەدى. مارات راحمەتوولاۇلىنىڭ شىعارماشىلىعىندا قازاق حالقىنىڭ تاريحى بارلىق قىرىنان تانىلعان. ونىڭ جاساعان مۇسىندەرى وسىنىسىمەن ەرەكشەلەنەدى. ءبىز وسى كورمە ارقىلى قازاقتىڭ ءمۇسىن جاساۋ ونەرىنىڭ دامۋ جولىمەن تانىسا الامىز. تۋىندىلارىمەن ەرەكشەلەنگەن ءمۇسىنشىنىڭ كورمەسىنە ساتتىلىك تىلەيمىز!، - دەدى د.مىڭباي.
«كوشپەندىلەر» كورمەسى 2016 جىلعى 24 قاڭتارعا دەيىن جالعاسادىايتا وتەيىك، اۆتور «كوشپەندىلەر» اتتى العاشقى جەكە كورمەسىن اقتاۋ مەن اتىراۋ قالالارىندا ۇيىمداستىردى. اقتاۋ قالاسىندا ءداستۇرلى تۇردە وتەتىن حالىقارالىق «كاسپي – دوستىق تەڭىزى» فەستيۆالى اياسىندا ۇيىمداستىرىلعان «ەڭ ۇزدىك ساندىك – قولدانبالى ونەر تۋىندىلارى» كونكۋرسىنىڭ «ەڭ ۇزدىك قولونەر تۋىندىسى» نوميناتسياسى بويىنشا گران – ءپريدى ۇتىپ الدى. باتىس قازاقستان وبلىسى «ونەر» قوعامدىق قورى ۇيىمداستىرعان حالىقارالىق «جازيرا جايىق - 2011» كورمەسىنىڭ ديپلومانتى.
