QR Ulttyq mýzeıinde Qazaqstan Respýblıkasy sýretshiler Odaǵynyń múshesi, músinshi Marat Gabdrahmanovtyń Qazaq handyǵynyń 550 jyldyǵyna arnalǵan «Kóshpendiler» atty derbes kórmesiniń ashylýy rásimi ótti.
Bul jolǵy kórmege avtordyń qazaqtyń mádenıetin, tarıhy men turmysyn aıqyndaıtyn 48 týyndysy usynylyp otyr.Kórmeniń ashyl saltanatynda sóz sóılegen QR Ulttyq mýzeıiniń dırektory Darhan Myńbaı M.Gabdrahmanovtyń shyǵarmashylyǵyna sáttilik tiledi.- Mundaı kórmeniń Ulttyq mýzeıde ótýiniń ózi bizdiń ujymǵa degen erekshe senimdi bildiredi. Marat Rahmetoolaulynyń shyǵarmashylyǵynda qazaq halqynyń tarıhy barlyq qyrynan tanylǵan. Onyń jasaǵan músinderi osynysymen erekshelenedi. Biz osy kórme arqyly qazaqtyń músin jasaý óneriniń damý jolymen tanysa alamyz. Týyndylarymen erekshelengen músinshiniń kórmesine sáttilik tileımiz!, - dedi D.Myńbaı.
«Kóshpendiler» kórmesi 2016 jylǵy 24 qańtarǵa deıin jalǵasadyAıta óteıik, avtor «Kóshpendiler» atty alǵashqy jeke kórmesin Aqtaý men Atyraý qalalarynda uıymdastyrdy. Aqtaý qalasynda dástúrli túrde ótetin halyqaralyq «Kaspıı – dostyq teńizi» festıvali aıasynda uıymdastyrylǵan «Eń úzdik sándik – qoldanbaly óner týyndylary» konkýrsynyń «Eń úzdik qolóner týyndysy» nomınaııasy boıynsha Gran – prıdi utyp aldy. Batys Qazaqstan oblysy «Óner» qoǵamdyq qory uıymdastyrǵan Halyqaralyq «Jazıra Jaıyq - 2011» kórmesiniń dıplomanty.
