«ەلىم-اي دوستىق» ۇيىمى ۇلتارالىق دوستىقتى دارىپتەيدى

722

وتان اناعا دەگەن اق سەزىم، كىرشىكسىز ماحاببات əر ادامنىڭ جۇرەگىندە تۋلاپ تۇرادى. تۋعان جەردىڭ گۇلدەنۋىنە سۇبەلى ۇلەسىن قوسىپ جۇرگەن جاننىڭ ءبىرى "ەلىم-اي دوستىق" قوعامدىق بىرلەستىگىنىڭ جەتەكشىسى پولينا كيم.

كەيىپكەرىمىز سانالى عۇمىرىندا قازىنالى قازاق جەرىنەن قۇتتى قونىس تاپقان وزگە ەتنوس وكىلدەرىن وتانشىل بولۋعا شاقىرىپ، مەملەكەتتىڭ ساياسي-مəدەني ومىرىنە بەلسەنە ارالاسىپ، ءوزىنىڭ ازاماتتىق ۇستانىمىن ءبىلدىرىپ كەلەدى.

"ەلىم اي دوستىق" قوعامدىق بىرلەستىگى پرەزيدەنتىمىز قاسىم-جومارت توقاەۆتىڭ "سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى" اتتى قازاقستان حالقىنا جولداعان جولداۋىن ەل ىشىندە كەڭىنەن ءتۇسىندىرۋ جۇمىستارىمەن اينالىسىپ ءجۇر.

Əسىرەسە ول مەكتەپ وقۋشىلارى مەن كوللەدج جəنە جوعارى وقۋ ورىندارىنىڭ ستۋدەنتتەرىمەن ءجيى جۇزدەسۋدى ءجون كورەدى.

«وتكەن جىلى قازاقستان حالقى اسسامبلەياسىنا قاراستى "جاڭعىرۋ جولى" رەسپۋبليكالىق فورۋمىنا قاتىستىم. وندا ءəربىر ەتنو-مəدەني  بىرلەستىكتىڭ ورىنباسارى سايلانىپ، ونىڭ تىكەلەي جاستار ساياساتىمەن اينالىسۋى ءتيىس دەگەن ۇسىنىستى بىردەن قولدادىم. سەبەبى بۇل جاستار ساياساتىنا جاڭا سەرپىن بەرەدى دەپ ويلايمىن. جالپى ەلىمىزدە مەملەكەت تاراپىنان جاستارعا قولداۋ وتە قارقىندى تۇردە ءجۇرىپ جاتىر»، - دەيدى ول.

سونداي-اق "ەلىم-اي دوستىق" قوعامدىق بىرلەستىگى العاشقىداردىڭ ءبىرى بولىپ، مەملەكەت باسشىسى قاسىم-جومارت توقاەۆتىڭ 2020 جىلدى ەرىكتىلەر جىلى ەتىپ جاريالاۋ تۋرالى ۇسىنىسىن قولدايتىندىقتارىن، جەرگىلىكتى "Jambyl" تەلەارناسى ارقىلى جەتكىزگەن.

- وتاندى ءسۇيۋ – ۇلى سەزىم. ەلىڭە تىرناقتىڭ ۇشىنداي بولسا دا، جاقسىلىق جاساعانعا نە جەتسىن! مەن ەرىكتىلەردى مەملەكەتىمىزدىڭ  ناعىز پاتريودتارى دەپ ەسەپتەيتىن. ۇلكەنگە قۇرمەت، كىشىگە ىزەت كورسەتىپ، كىشىپەيىلدىلىك تانىتۋ ۇلكەن ادامگەرشىلىك دەپ سانايمىن. مىنە، وسىنداي اسىل قاسيەتتەردى تۇلا بويلارىنا جيناعان  جاستار جامان  بولمايدى، - دەيدى پالينا كيم.

جۋىردا اتالعان قوعامدىق بىرلەستىك پرەزيدەنت جولداۋىمەن ساباقتاستىرا  "ۇلت بىرلىگى – ۇلى بايلىق " كونفەرەنتسياسى مەن ء"بىزدىڭ كۇشىمىز بىرلىكتە" اتتى جاستار فورۋمىن وتكىزدى. وعان نۇر-سۇلتان مەن الماتى قالالارىنان ارنايى قوناقتار كەلىپ قاتىستى.

بۇل ءدəستۇرلى  القالى جيىندا ۇەۇ جىلدى قورتىندىلاپ، كەلەر جىلعا جوسپارلار قۇرىلدى.

«ادىرنا»

ۇلتتىق پورتالى

پىكىرلەر
رەداكتسيا تاڭداۋى