جامبىل وبلىسىنا قاراستى جامبىل اۋدانىندا جەكە كاسىپكەر اقجول تەڭگەباەۆ اۋىل شارۋاشىلىعىن قارجىلاي قولداۋ قورىنىڭ جامبىل وبلىسىنداعى فيليالىنان نەسيە راسىمدەپ، قوي شارۋاشىلىعىن دامىتۋدى قولعا الدى. ەرنازار اۋىلىنىڭ تۇرعىنىنىڭ ايتۋىنشا، قوردىڭ جەڭىلدەتىلگەن نەسيەلەر شارۋالارعا ۇلكەن كومەك.
«مەن اۋىل شارۋاشىلىعىن قارجىلاي قولداۋ قورىنان «يگىلىك» باعدارلاماسى ارقىلى 6 پروتسەنتپەن 6,5 جىلعا 4 ملن تەڭگە نەسيە راسىمدەپ، وعان 110 باس قوي مەن 4 قوشقار جانە مال ازىعىن ساتىپ الدىم. قازىر قىسقا دايىنبىز. وسى مالدى قىستان امان-ەسەن الىپ شىعىپ، كوكتەمدە تولدەتسەم دەپ وتىرمىن. اۋىلدا تۇرعاننان كەيىن مالمەن اينالىسۋ كەرەك. بۇرىنعىداي ەمەس، قازىر مەملەكەتتىك قولداۋلار بار، سونى پايدالانا ءبىلۋ كەرەك. اۋىل شارۋاشىلىعىن قارجىلاي قولداۋ قورى بەرەتىن نەسيەنىڭ شارتتارى مەن تالاپتارى قيىن ەمەس جانە جەڭىلدىك مەرزىمى بار. ول ءبىز سياقتى شارۋالارعا ۇلكەن كومەك. اۋىل كاسىپكەرلەرىن قارجىلاي قولداپ كەلە جاتقان قوردىڭ قۇرىلعانىنا بيىل 25 جىل تولىپ وتىر ەكەن. وسى قوردا جۇمىس ىستەيتىن بارلىق قىزمەتكەرلەردى 25 جىلدىق مەرەيتويلارىمەن قۇتتىقتايمىن. ەڭبەكتەرى جەمىستى، جۇمىستارى تابىستى بولسىن!»، – دەيدى اقجول تەڭگەباەۆ.
جالپى بيىل «ەڭبەك» باعدارلاماسى اياسىندا «يگىلىك» نەسيە ءونىمى ارقىلى دا قوي ساتىپ الۋ ءۇشىن 316 شارۋاعا 1 ملرد 62 ملن 455 مىڭ تەڭگە نەسيە بەرىلدى. بۇل قارجىعا 30 363 باس قوي ساتىپ العان شارۋالار قورالارىن مالعا تولتىردى. ءالى دە قوي شارۋاشىلىعىمەن اينالىسۋ ءۇشىن نەسيەگە ءوتىنىم بەرگەن ازاماتتار بارشىلىق.
سونداي-اق، «يگىلىك» نەسيە ءونىمى ارقىلى كاسىپپەن اينالىسامىن دەگەن ازاماتتارعا 6 پروتسەنتپەن 4 ملن تەڭگەگە دەيىن نەسيە بەرىلەدى. بۇل نەسيە ءونىمى ارقىلى مال، قۇس، بال ارالارىن ساتىپ الىپ، كاسىپ ىستەۋگە بولادى. سونداي-اق، 9 اي جەڭىلدىك مەرزىمى قاراستىرىلعان. ەڭ باستىسى شارۋانىڭ نەسيە تاريحى جاقسى بولۋى كەرەك جانە بيۋدجەتتىڭ، قارجى ينستيتۋتتارى مەن سالىق ورگاندارىنىڭ الدىندا مەرزىمى وتكەن بەرەشەگى بولماۋى ءتيىس. مال ۇستايتىن قورا-جايى، تالاپقا ساي جايىلىمدىق جەرى بولۋى كەرەك. قوردىڭ كەپىلدىك ساياساتىنا سايكەس، شارۋا كەپىلدىككە جىلجيتىن نەمەسە جىلجىمايتىن مۇلىكتەرىن قويا الادى.
اۋىل شارۋاشىلىعىن قارجىلاي قولداۋ قورى «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ مەملەكەتتىك باعدارلاماسى مەن اگروونەركاسىپ كەشەنىن دامىتۋ باعدارلاماسى اياسىندا اۋىل شارۋاشىلىق جانە كاسىپكەرلىك جوبالارىن قارجىلاندىرىپ كەلەدى.
بيىل قوردىڭ قۇرىلعانىنا 25 جىل. وسى ۋاقىت ارالىعىندا جالپى سوماسى 312 ملرد تەڭگە بولاتىن 152 مىڭ نەسيە بەرىلدى. بيىلعى جىلدىڭ سوڭعى كورسەتكىشى بويىنشا بارلىق باعىتتار بويىنشا 51 ملرد 296 ملن تەڭگەنى قۇرايتىن 11 351 جوبا قارجىلاندىرىلدى.
«ادىرنا»
ۇلتتىق پورتالى
