Jambyl oblysyna qarasty Jambyl aýdanynda jeke kásipker Aqjol Teńgebaev Aýyl sharýashylyǵyn qarjylaı qoldaý qorynyń Jambyl oblysyndaǵy fılıalynan nesıe rásimdep, qoı sharýashylyǵyn damytýdy qolǵa aldy. Ernazar aýylynyń turǵynynyń aıtýynsha, qordyń jeńildetilgen nesıeler sharýalarǵa úlken kómek.
«Men Aýyl sharýashylyǵyn qarjylaı qoldaý qorynan «Igilik» baǵdarlamasy arqyly 6 proentpen 6,5 jylǵa 4 mln teńge nesıe rásimdep, oǵan 110 bas qoı men 4 qoshqar jáne mal azyǵyn satyp aldym. Qazir qysqa daıynbyz. Osy maldy qystan aman-esen alyp shyǵyp, kóktemde tóldetsem dep otyrmyn. Aýylda turǵannan keıin malmen aınalysý kerek. Burynǵydaı emes, qazir memlekettik qoldaýlar bar, sony paıdalana bilý kerek. Aýyl sharýashylyǵyn qarjylaı qoldaý qory beretin nesıeniń sharttary men talaptary qıyn emes jáne jeńildik merzimi bar. Ol biz sııaqty sharýalarǵa úlken kómek. Aýyl kásipkerlerin qarjylaı qoldap kele jatqan Qordyń qurylǵanyna bıyl 25 jyl tolyp otyr eken. Osy Qorda jumys isteıtin barlyq qyzmetkerlerdi 25 jyldyq mereıtoılarymen quttyqtaımyn. Eńbekteri jemisti, jumystary tabysty bolsyn!», – deıdi Aqjol Teńgebaev.
Jalpy bıyl «Eńbek» baǵdarlamasy aıasynda «Igilik» nesıe ónimi arqyly da qoı satyp alý úshin 316 sharýaǵa 1 mlrd 62 mln 455 myń teńge nesıe berildi. Bul qarjyǵa 30 363 bas qoı satyp alǵan sharýalar qoralaryn malǵa toltyrdy. Áli de qoı sharýashylyǵymen aınalysý úshin nesıege ótinim bergen azamattar barshylyq.
Sondaı-aq, «Igilik» nesıe ónimi arqyly kásippen aınalysamyn degen azamattarǵa 6 proentpen 4 mln teńgege deıin nesıe beriledi. Bul nesıe ónimi arqyly mal, qus, bal aralaryn satyp alyp, kásip isteýge bolady. Sondaı-aq, 9 aı jeńildik merzimi qarastyrylǵan. Eń bastysy sharýanyń nesıe tarıhy jaqsy bolýy kerek jáne bıýdjettiń, qarjy ınstıtýttary men salyq organdarynyń aldynda merzimi ótken bereshegi bolmaýy tıis. Mal ustaıtyn qora-jaıy, talapqa saı jaıylymdyq jeri bolýy kerek. Qordyń kepildik saıasatyna sáıkes, sharýa kepildikke jyljıtyn nemese jyljymaıtyn múlikterin qoıa alady.
Aýyl sharýashylyǵyn qarjylaı qoldaý qory «Eńbek» nátıjeli jumyspen qamtýdy jáne jappaı kásipkerlikti damytý memlekettik baǵdarlamasy men Agroónerkásip keshenin damytý baǵdarlamasy aıasynda aýyl sharýashylyq jáne kásipkerlik jobalaryn qarjylandyryp keledi.
Bıyl Qordyń qurylǵanyna 25 jyl. Osy ýaqyt aralyǵynda jalpy somasy 312 mlrd teńge bolatyn 152 myń nesıe berildi. Bıylǵy jyldyń sońǵy kórsetkishi boıynsha barlyq baǵyttar boıynsha 51 mlrd 296 mln teńgeni quraıtyn 11 351 joba qarjylandyryldy.
«ADYRNA»
ulttyq portaly
