پاكىستاننىڭ سولتۇستىك-شىعىسىندا پەندجاب پروۆينتسياسىندا بولعان قايعىلى وقيعانى ەسكەرە وتىرىپ، قر يدم كولىك كوميتەتى كولىكتىك باقىلاۋ ينسپەكتسيالارىنا قر ىشكى ىستەر مينيسترلىگى توتەنشە جاعدايلار كوميتەتىنىڭ قۇرىلىمدىق بولىمشەلەرىمەن جانە "قازاقستان تەمىر جولى "ۇك" اق-مەن بىرلەسىپ رەسپۋبليكا اۋماعى بويىنشا جۇرەتىن بارلىق جولاۋشىلار پوەزدارىندا ءورت قاۋىپسىزدىگى تالاپتارىنىڭ بۇزىلۋىنا جول بەرمەۋ ماقساتىندا تەكسەرۋ جۇمىستارىن جۇرگىزۋدى ءارى كۇشەيتۋدى تاپسىردى.
جالپى، جىل باسىنان بەرى اۋماقتىق كولىكتىك باقىلاۋ ورگاندارى جول بويىندا 866 جولاۋشى پوەزىن تەكسەردى، ونىڭ ىشىندە 577 "جولاۋشىلار تاسىمالى" اق، 39 "قالا ماڭىنداعى تاسىمال" اق، 11 "قالا ماڭىنداعى جەرگىلىكتى اتقارۋشى ورگان", 111 تمد قالىپتاستىرۋ پوەزى جانە 132 "جەكە تاسىمالداۋشىلار".
ناتيجەسىندە 5136 جولاۋشى تاسىمالداۋ ەرەجەسىن بۇزۋشىلىق انىقتالدى، ونىڭ ىشىندە 38 ءورت قاۋىپسىزدىگى بويىنشا بۇزۋشىلىق انىقتالدى.
تاسىمالداۋشىلار بولىنىسىندە، ورتكە قارسى قاۋىپسىزدىكتى بۇزۋ بىلايشا قۇرايدى:
"جولاۋشىلار تاسىمالى" اق-27;
"قالا ماڭى تاسىمالى" اق-4;
"قالا ماڭىنداعى جەرگىلىكتى اتقارۋشى ورگان" - 1;
"جەكە تاسىمالداۋشىلار" - 6 (مارال نۋر-3 جشس، Nomadas-3 جشس).
ءورت قاۋىپسىزدىگى بويىنشا انىقتالعان نەگىزگى بۇزۋشىلىقتارعا ءورت كۇزەتى مەن سيگنال بەرۋ جۇيەسىنىڭ بولماۋى جاتادى.
قر يدم كولىك كوميتەتىنىڭ ءباسپاسوز قىزمەتى
