Jolaýshylar poezdarynda órt qaýipsizdigin saqtaý boıynsha tekserýler kúsheıtiledi 

3595
Adyrna.kz Telegram

Pákistannyń soltústik-shyǵysynda Pendjab provınııasynda bolǵan qaıǵyly oqıǵany eskere otyryp, QR IIDM Kólik komıteti Kóliktik baqylaý ınspekııalaryna QR Ishki ister mınıstrligi Tótenshe jaǵdaılar komıtetiniń qurylymdyq bólimshelerimen jáne "Qazaqstan temir joly "UK" AQ-men birlesip respýblıka aýmaǵy boıynsha júretin barlyq jolaýshylar poezdarynda órt qaýipsizdigi talaptarynyń buzylýyna jol bermeý maqsatynda tekserý jumystaryn júrgizýdi ári kúsheıtýdi tapsyrdy.

Jalpy, jyl basynan beri aýmaqtyq kóliktik baqylaý organdary jol boıynda 866 jolaýshy poezyn tekserdi, onyń ishinde 577 "Jolaýshylar tasymaly" AQ, 39 "qala mańyndaǵy tasymal" AQ, 11 "qala mańyndaǵy jergilikti atqarýshy organ", 111 TMD qalyptastyrý poezy jáne 132 "jeke tasymaldaýshylar".
Nátıjesinde 5136 jolaýshy tasymaldaý erejesin buzýshylyq anyqtaldy, onyń ishinde 38 órt qaýipsizdigi boıynsha buzýshylyq anyqtaldy.

Tasymaldaýshylar bólinisinde, órtke qarsy qaýipsizdikti buzý bylaısha quraıdy:
"Jolaýshylar tasymaly" AQ-27;
"Qala mańy tasymaly" AQ-4;
"Qala mańyndaǵy jergilikti atqarýshy organ" - 1;
"Jeke tasymaldaýshylar" - 6 (Maral Nýr-3 JShS, Nomadas-3 JShS).

Órt qaýipsizdigi boıynsha anyqtalǵan negizgi buzýshylyqtarǵa órt kúzeti men sıgnal berý júıesiniń bolmaýy jatady.

QR IIDM Kólik komıtetiniń baspasóz qyzmeti

Pikirler