گۋميلەۆ اتىنداعى ەۋرازيا ۇلتتىق ۋنيۆەرسيتەتىندە قازاقستان تاريحشىلارىنىڭ ءۇشىنشى كونگرەسىندە مەملەكەت تاريحى ينستيتۋتىنىڭ ديرەكتورى، پروفەسسور بۇركىت اياعان 11 قىركۇيەكتى قازاقستان تاريحشىلارىنىڭ كۇنى دەپ اتاۋدى ۇسىندى، دەپ جازادى «ازاتتىق» ءتىلشىسى.
ونىڭ سوزىنشە، بۇل داتا بيىلعى جىلدىڭ 11 قىركۇيەگىندە پرەزيدەنت نۇرسۇلتان نازارباەۆتىڭ قازاق حاندىعىنىڭ 550 جىلدىعى جايلى بايانداماسىنا قاتىستى تاڭداپ الىنعان.
"كونستيتۋتسيالىق قۇرىلىم تاريحى جانە ۇلت كوشباسشىسىنىڭ ءرولى" دەپ اتالاتىن بۇل كونگرەسكە تەك قازاقستان تاريحشىلارى قاتىسىپ، بايانداما وقىپ جاتىر.
جيىندا باسقا دا تاريحشىلار قازاقستان مەملەكەتتىلىگىن قالىپتاستىرۋداعى "پرەزيدەنت نۇرسۇلتان نازارباەۆتىڭ ءرولى مەن قىزمەتى" تۋرالى ايتقان.
بۇركىت اياعان ازاتتىققا سۇحباتىندا ءبىلىم جانە عىلىم مينيسترلىگىنەن دوكتورلىق ديسسەرتاتسيا قورعاۋشىلارعا شەتەلدىك عىلىمي جۋرنالدارعا ماقالاسىن جاريالاۋ تۋرالى مىندەتتى الىپ تاستاۋدى سۇرادى. ونىڭ سوزىنشە، شەتەلدىك جۋرنالدار "قازاقستان تاريحىنا قىزىقپايتىندىقتان" قازاقستاندىق تاريحشىلاردىڭ ماقالالارىن باسپايدى.
