ۆيدەوداعى – سۋديا ەمەس. اتى-شۋلى ۆيدەونى تەكسەرۋ اياقتالدى

قىلمىستىق ءىستى تەرگەۋ اياسىندا پورنوگرافيالىق ۆيدەوداعى قارنىندا تىرتىعى بار ادامنىڭ كىم ەكەنىن انىقتاۋ ماقساتىندا سوت-مەديتسينالىق ساراپتاما جۇرگىزدى.

 پاۆلودار وبلىستىق سوت ساراپتاماسى ينستيتۋتىنىڭ قورىتىندىسىنا سايكەس، اكەتاي م.ا.-عا جۇرگىزىلگەن سوت-مەديتسينالىق كۋالاندىرۋ ۇزىن تىرتىقتار نەمەسە حيرۋرگيالىق وتا ىزدەرىن تاپپادى، - دەدى پاۆلودار وبلىسىنىڭ پوليتسيا دەپارتامەنتى

2 قازاندا پاۆلودار وبلىستىق سوتىنىڭ قىلمىستىق ىستەر جونىندەگى القاسىنىڭ توراعاسى پوليتسيا بولىمىنە كەلىپ، whatsapp مەسسەندجەرى ارقىلى تاراتىلعان پورنوگرافيالىق ۆيدەونى شىعارعان جانە تاراتقان بەلگىسىز تۇلعالاردى انىقتاۋ جانە قىلمىستىق جاۋاپقا تارتۋ تۋرالى ارىز بەردى. قر قك 130-بابى، 3-بولىگى جانە 274-بابى، 3-بولىگى بويىنشا سوتقا دەيىنگى تەرگەۋ جالعاسۋدا.