شىمكەنت قالاسىندا بۇرىن سوتتى بولعان ەكى ازامات مۇمكىندىگى شەكتەۋلى تاكسي جۇرگىزۋشىسىنە شابۋىل جاساعانى ءۇشىن تۇرمەگە قامالدى. بۇل وقيعا «كوكتەم» بازارى ماڭىندا ورىن العان، دەپ حابارلايدى "ادىرنا" ۇلتتىق پورتالى.
تەرگەۋ مالىمەتىنشە، جاسۇلان باكيروۆ پەن ماكسات تاسبولاتوۆ تاكسي قىزمەتىن پايدالانىپ، ساپار سوڭىندا جۇرگىزۋشىگە تاپ بەرگەن. ولار كولىكتىڭ تەرەزەسىن سىندىرىپ، جۇرگىزۋشىنى سوققىعا جىققان. جابىرلەنۋشىنىڭ ەستۋ جانە سويلەۋ قابىلەتى شەكتەۋلى ەكەنى بەلگىلى بولدى. قاسكويلەر ەكى ءموبيلدى تەلەفوندى ۇرلاپ، وقيعا ورنىنان بوي تاسالاعان. الايدا كوپ ۇزاماي پوليتسيا ولاردى قولعا ءتۇسىردى.
سوت ۇكىمىمەن جاسۇلان باكيروۆ قر قىلمىستىق كودەكسىنىڭ 191-بابى، 2-بولىگى، 1 جانە 3-تارماقتارى بويىنشا كىنالى دەپ تانىلىپ، 3 جىل 9 ايعا باس بوستاندىعىنان ايىرىلدى. ونىڭ سىبايلاسى ماكسات تاسبولاتوۆ 3 جىلعا سوتتالدى. ايتا كەتەيىك، باكيروۆ 2019 جىلى توناۋ فاكتىسى بويىنشا، ال تاسبولاتوۆ 2024 جىلى ۇرلىق ءۇشىن قىلمىستىق جاۋاپكەرشىلىككە تارتىلعان بولاتىن.
سوت وتىرىسىندا ەكەۋى دە كىناسىن مويىنداپ، زارداپ شەككەن تاراپقا كەلتىرىلگەن ماتەريالدىق شىعىندى وتەگەن. سوعان قاراماستان، قىلمىستىڭ اۋىرلىعىنا بايلانىستى ولار جازالارىن قاۋىپسىزدىگى بارىنشا جوعارى تۇزەتۋ مەكەمەلەرىندە وتەيتىن بولادى.
ۇقساس جاڭالىقتار
