قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ جۇبايى سارا نازارباەۆا قايتىس بولدى دەگەن اقپارات تارادى، دەپ حابارلايدى "ادىرنا" ۇلتتىق پورتالى.
نۇرسۇلتان نازارباەۆتىڭ ءباسپاسوز حاتشىسى ايدوس ۇكىباي بۇرىنعى قازاقستاننىڭ ءبىرىنشى حانىمى سارا نازارباەۆا قايتىس بولدى دەگەن اقپاراتتى جوققا شىعاردى.
«قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ جۇبايى سارا الپىسقىزى اۋرۋحانادا ەم قابىلداپ جاتىر. ونىڭ قايتىس بولعانى تۋرالى اقپارات شىندىققا سايكەس كەلمەيدى»، – دەدى ۇكىباي سارسەنبى كۇنى.
جۋرناليست اسەت ماتاەۆتىڭ سەنىمدى دەرەككوزدەرگە سىلتەمە جاساپ مالىمدەۋىنشە دە سارا نازارباەۆا ءتىرى. «سارا الپىسقىزى ءتىرى. ونى نۇرسۇلتان نازارباەۆ ءجيى بارىپ كورىپ تۇرادى. بۇل – بىرنەشە سەنىمدى دەرەككوزدەن الىنعان اقپارات»، – دەپ جازدى ماتاەۆ ءوزىنىڭ Telegram-ارناسىندا. ماتاەۆتىڭ ايتۋىنشا الماتىداعى سوۆمينكا اۋرۋحاناسىنىڭ ماڭىندا كۇزەت كۇشەيتىلگەن. بۇل شارالار بۇعان دەيىن باق-تا سارا نازارباەۆانىڭ دەنساۋلىعىنا قاتىستى جاريالانعان اقپاراتتارمەن بايلانىستى قابىلدانعان. ەسكە سالا كەتەيىك، 5 مامىردا سارا نازارباەۆانىڭ جاعدايى كۇرت ناشارلاعانى حابارلانعان ەدى.
