كوكشەتاۋ قالاسىندا اۋعان سوعىسى ارداگەرلەرىنە ارنالعان ەسكەرتكىش ماڭىندا «سارباز كۇنى» سالتاناتتى شاراسى ۇيىمداستىرىلدى. بۇل ءىس-شارا اقمولا وبلىسىنان اسكەرگە اتتانعالى تۇرعان 35 جاس ءۇشىن ەرەكشە مانگە يە بولدى. ولار №44813 اسكەري بولىمىندەگى اۋە شابۋىلىنا قارسى قورعانىس بريگاداسىندا مەرزىمدى اسكەري قىزمەتى مىندەتىن اتقارادى.
شارا جاۋىنگەرلەر رۋحىنا تاعزىم ەتىپ، گۇل شوقتارىن قويۋ جانە ءبىر مينۋت ۇنسىزدىكپەن باستالدى. بيىلعى اكتسيا ۇلى وتان سوعىسىنداعى جەڭىستىڭ 80 جىلدىعى، كەڭەس وداعىنىڭ باتىرى، جازۋشى جانە عالىم مالىك عابدۋلليننىڭ تۋعانىنا 110 جىل، سونىمەن قاتار ءاليا مولداعۇلوۆا 100 جىلدىعى سياقتى بىرنەشە ماڭىزدى تاريحي داتالارمەن تۇسپا-تۇس كەلىپ وتىر.
قۇتتىقتاۋ ءسوز سويلەگەن اقمولا وبلىسى اكىمىنىڭ ورىنباسارى دوسۇلان ايتباەۆ جاستارعا جۇكتەلىپ وتىرعان جاۋاپكەرشىلىكتىڭ ماڭىزدىلىعىن اتاپ ءوتتى.
ءىس-شارا سوڭىندا قاتىسۋشىلار مەن جاس ساربازدار 35 اعاش وتىرعىزدى. ۇيىمداستىرۋشىلاردىڭ ايتۋىنشا، بۇل – «تازا قازاقستان» ەكولوگيالىق باستاماسىنىڭ ءبىر بولىگى عانا ەمەس، سونىمەن قاتار ۇرپاقتار ساباقتاستىعى مەن وتان قورعاۋشىلارىنىڭ جاڭارۋ سيمۆولى.
شارا جاۋىنگەرلەر رۋحىنا تاعزىم ەتىپ، گۇل شوقتارىن قويۋ جانە ءبىر مينۋت ۇنسىزدىكپەن باستالدى. بيىلعى اكتسيا ۇلى وتان سوعىسىنداعى جەڭىستىڭ 80 جىلدىعى، كەڭەس وداعىنىڭ باتىرى، جازۋشى جانە عالىم مالىك عابدۋلليننىڭ تۋعانىنا 110 جىل، سونىمەن قاتار ءاليا مولداعۇلوۆا 100 جىلدىعى سياقتى بىرنەشە ماڭىزدى تاريحي داتالارمەن تۇسپا-تۇس كەلىپ وتىر.
قۇتتىقتاۋ ءسوز سويلەگەن اقمولا وبلىسى اكىمىنىڭ ورىنباسارى دوسۇلان ايتباەۆ جاستارعا جۇكتەلىپ وتىرعان جاۋاپكەرشىلىكتىڭ ماڭىزدىلىعىن اتاپ ءوتتى.
«بۇگىن ءبىز ساربازدارىمىزدى اسكەري قىزمەتكە شىعارىپ سالۋدامىز. قارۋلى كۇشتەر قاتارىندا بولۋ – ۇلكەن ابىروي. سىزدەر ءوڭىرىمىزدىڭ نامىسىن ابىرويمەن قورعاۋعا تيىسسىزدەر. وسىنداي جاستاردىڭ ارقاسىندا ەلىمىزدىڭ تۇرعىندارى بەيبىت ءومىر ءسۇرىپ، بالالارىن تاربيەلەپ، ەڭبەك ەتىپ جاتىر. سىزدەرگە قايسارلىق پەن ەرلىك تىلەيمىن»، – دەدى ول.ساربازدار اسكەري-تەحنيكالىق مەكتەپ كۋرسانتتارىمەن، 5510 اسكەري ءبولىمىنىڭ جاۋىنگەرلەرىمەن جانە پاتريوتتىق كلۋب مۇشەلەرىمەن بىرگە ساپ تۇزەدى. جاستارعا قاجەتتى قۇرال-جابدىقتارى سالىنعان ارميالىق سومكەلەر سالتاناتتى تۇردە تابىس ەتىلدى. سونىمەن بىرگە، «قازاقستان قارۋلى كۇشتەرى ارداگەرلەرى» رەسپۋبليكالىق ۇيىمىنىڭ اقمولا وبلىستىق فيليالى توراعاسىنىڭ جانات ەرەجەپوۆتە جۇرەكجاردى لەبىزىن ءبىلدىردى.
«ساعادات نۇرماعامبەتوۆتى، راقىمجان قوشقارباەۆتى جانە جەرلەسىمىز مالىك عابدۋلليندى ۇمىتپاڭىزدار. ولار – ەرلىك پەن وتانعا ادالدىقتىڭ ماڭگىلىك ۇلگىسى. وتان الدىنداعى بورىشتارىڭدى امان ەسەن وتەپ كەلۋلەرىڭە تىلەكتەسپىن»، – دەدى زاپاستاعى پولكوۆنيك.سالتاناتتى شاراعا ساربازداردىڭ اتا-انالارى مەن تۋعان-تۋىستارى دا قاتىستى.
«سىزدەر – ەلىمىزدىڭ قورعاۋشىلارىسىزدار. ءبىزدى تەك جاقسى حابارمەن قۋانتۋلارىڭىزدى تىلەيمىز. امان-ەسەن ورالىڭىزدار. ءبىز سىزدەرمەن ماقتانامىز»، – دەدى ساربازىن شىعارىپ سالىپ تۇرعان اناسى التىناي اقشالوۆا كوز جاسىن جاسىرا الماي.جاس جىگىتتەر ءۇشىن بۇل جاۋاپكەرشىلىك ەمەس، ابىروي سانالدى. اتباسارلىق 19 جاستاعى بايبارىس حاسەن ءوز ويىمەن ءبولىستى.
«مەن ءۇشىن قازاقستان اسكەرىنىڭ ءبىر بولشەگى بولۋ ۇلكەن ماقتانىش. انالارىمىزدى، بالالارىمىزدى، حالقىمىزدى قورعاۋ ءبىزدىڭ مىندەتىمىز. باتىرلارىمىزدىڭ جاۋىنگەرلىك رۋحىن ساقتاپ، وتان الدىنداعى بورىشىمدى ادال اتقارۋعا دايىنمىن. مەن ازاماتتىق قورعاۋ كوپسالالى كوللەدجىن اياقتادىم، اسكەرگە ءوز ەركىممەن كەتىپ بارامىن. قىزمەتتەن سوڭ ماماندىعىم بويىنشا – قۇتقارۋشى بولىپ جۇمىس ىستەگىم كەلەدى»، – دەدى ول.شارا اياسىندا پاتريوتتىق تاربيەنىڭ دامۋىنا ۇلەس قوسقان 10 اقمولالىق مۇعالىمدەر، شاقىرۋ كوميسسياسىنىڭ قىزمەتكەرلەرى جانە قوعام بەلسەندىلەرى العىس حاتپەن ماراپاتتالدى.
ءىس-شارا سوڭىندا قاتىسۋشىلار مەن جاس ساربازدار 35 اعاش وتىرعىزدى. ۇيىمداستىرۋشىلاردىڭ ايتۋىنشا، بۇل – «تازا قازاقستان» ەكولوگيالىق باستاماسىنىڭ ءبىر بولىگى عانا ەمەس، سونىمەن قاتار ۇرپاقتار ساباقتاستىعى مەن وتان قورعاۋشىلارىنىڭ جاڭارۋ سيمۆولى.
