2025 جىلدىڭ قاڭتار–ساۋىر ايلارىندا ەل ەكونوميكاسى 6% ءوسىم كورسەتتى. بۇل تۋرالى بۇگىن، 12 ساۋىردە ەكونوميكا مينيسترلىگى ايتتى، دەپ حابارلايدى «ادىرنا» ءتىلشىسى.
كولىك پەن ساۋدا سالالارىندا دامۋ قارقىنىنىڭ ارتقانى بايقالعان. مينيسترلىكتىڭ مالىمەتىنشە، كولىك سالاسى بويىنشا كوش باسىندا تۇركىستان تۇر. ءوسىم 21,8% قۇرادى.
«بيىلعى ءتورت ايدىڭ قورىتىندىسى بويىنشا جالپى ىشكى ءونىم ءوسىمى 6%-دى قۇرادى. ەكونوميكانىڭ نەگىزگى سالالارىندا: كولىكتە (22,4%), ساۋدادا (7%) دامۋ قارقىنىنىڭ ارتقانى بايقالادى. ءوسىم اۋىل شارۋاشىلىعى (3,9%) جانە بايلانىس (2,6%) سالالارىندا دا تىركەلدى. كولىك سالاسىنداعى ءوسىم سالانىڭ جالپى كولەمىندەگى ۇلەستەرى تيىسىنشە 20,5% جانە 19,6%-دى قۇرايتىن تەمىر جول جانە قۇبىر كولىگىمەن جۇكتەردى تاسىمالداۋ جونىندەگى قىزمەتتەر كولەمىنىڭ ۇلعايۋى ەسەبىنەن قامتاماسىز ەتىلدى»،—دەلىنگەن حابارلامادا.
