ۋكراينانىڭ باستى ەۋروپالىق وداقتاستارى – فرانتسيا پرەزيدەنتى ەممانيۋەل ماكرون، گەرمانيا كانتسلەرى فريدريح مەرتس، ۇلىبريتانيا پرەمەر-ءمينيسترى كير ستارمەر جانە پولشا پرەمەر-ءمينيسترى دونالد تۋسك 10 مامىر كۇنى كيەۆكە رەسمي ساپارمەن باردى، دەپ حابارلايدى "ادىرنا" ۇلتتىق پورتالى BBس-كە سىلتەپ.
كيەۆكە باعىت العانىن راستاي وتىرىپ، ماكرون الەۋمەتتىك جەلىدە ءتورت ەل كوشباسشىسىنىڭ بىرلەسكەن سۋرەتىن جاريالاپ، وعان فرانتسۋز، اعىلشىن، نەمىس جانە پولياك تىلدەرىندە جازعان.
«ءبىز كيەۆكە جولعا شىقتىق. ۋكراينا ءۇشىن، ەۋروپا ءۇشىن»، - دەپ جازبا قالدىردى.
ساپار اياسىندا تورتتىك ۋكراينا پرەزيدەنتى ۆلاديمير زەلەنسكيمەن كەلىسسوزدەر جۇرگىزىپ، رەسەي تاراپىن اتىستى 30 كۇنگە تولىق ءارى ءسوزسىز توقتاتۋعا شاقىرماق.
بۇعان دەيىن اقش پرەزيدەنتى دونالد ترامپ تا زەلەنسكيمەن سويلەسكەن سوڭ، 8 مامىردا رەسەيدى اتىستى توقتاتۋعا رەسمي تۇردە شاقىرعان. Reuters اگەنتتىگىنىڭ حابارلاۋىنشا، ەگەر رەسەي بۇل ۇسىنىستان باس تارتسا، باتىس ەلدەرى تاراپىنان جاڭا سانكتسيالار ەنگىزىلۋى مۇمكىن.
گەرمانيانىڭ جاڭا كانتسلەرى فريدريح مەرتس تە كەلىسىمنىڭ جاقىن كۇندەرى قابىلدانۋى مۇمكىن ەكەنىن مالىمدەگەن.
ۇقساس جاڭالىقتار
