بيىل ۇلى جەڭىستىڭ 80 جىلدىعى. تاريحي مەرەكەگە وراي ەل كولەمىندە اۋقىمدى، ماڭىزى زور ءىس-شارالار وتكەن بولاتىن. بۇگىن كۇللى قازاق جۇرتى باتىرلار رۋحىنا تاعزىم ەتۋدە. كازتالوۆتىقتار دا جەڭىس كۇنىندە مايدانگەرلەرىمىز بەن بوزداقتارىمىزدىڭ رۋحىنا تاعزىم ەتىپ، گۇل شوقتارىن قويۋ ءراسىمى ءوتتى. بابالار رۋحىنا قۇران باعىشتالدى.
مەرەكەلىك ءىس-شاراعا اۋدان اكىمى اسلانبەك سارقۇلوۆ، اۋداندىق ءماسليحات توراعاسى سارسەنباي مولداشەۆ، ارداگەرلەر، مايدانگەرلەر مەن بوزداقتاردىڭ ۇرپاقتارى قاتىستى. اسلانبەك احمەتوللاۇلى اۋدان ورتالىعىنداعى «جەڭىس» ساياباعىندا ەسكەرتكىشكە گۇل شوقتارىن قويىپ، باتىرلار رۋحىنا تاعزىم ەتتى.
اۋدانىمىزدىڭ بارلىق اۋىلدارى مەن ەلدى مەكەندەرىندە ءبىر مەزەتتە باتىرلار رۋحىنا تاعزىم ەتۋ شاراسى ءوتتى.
ايتا كەتەيىك، جەڭىستىڭ 80 جىلدىعىنا وراي اۋدانىمىزدىڭ 73 تىل ارداگەرى مەرەكەلىك مەدالمەن ناگرادتالدى.
