9 مامىر قارساڭىندا ماسكەۋدە ءموبيلدى ينتەرنەتپەن ماسەلەلەر تۋىنداپ، شەتەلدىك كوشباسشىلاردىڭ ۆلاديمير پۋتينمەن بىرگە قىزىل الاڭداعى جەڭىس پارادىنا قاتىسۋ ساپارلارى الدىندا اۋەجايلاردا رەيستەر توقتاتىلادى، دەپ حابارلايدى “ادىرنا” ۇلتتىق پورتالى BBC-گە سىلتەمە جاساپ.
ماسكەۋدە جەڭىس كۇنىنە وراي ۇيىمداستىرىلاتىن ءىس-شارالار كەزىندە ءموبيلدى ينتەرنەت شەكتەلدى. بۇل «قاۋىپتى كورشىلەستىككە» بايلانىستى، وعان تۇسىنىستىكپەن قاراۋ كەرەك، — دەدى 7 مامىر كۇنى كرەمل وكىلى دميتري پەسكوۆ، ۋكرايناعا يشارا جاساپ.
7 مامىر تاڭەرتەڭ ماسكەۋدە جەڭىس پارادىنىڭ سوڭعى دايىندىق رەپەتيتسياسى ءوتتى.
رەسەيلىك ۇيالى بايلانىس وپەراتورلارى مەن مەسسەندجەرلەردىڭ جۇمىسىنا بايلانىستى اقاۋلار 5 مامىر، دۇيسەنبى كۇنىنەن باستالدى.
شاعىمداردىڭ باسىم بولىگى ماسكەۋدەن تۇسكەن. ءدال سول كۇنى پارادتىڭ اۋە بولىگىنە دايىندىق جۇرگىزىلگەن.
5 مامىردا توتەنشە جاعدايلاردى ەسكەرتۋ جانە جويۋ بويىنشا ءبىرتۇتاس مەملەكەتتىك جۇيە وكىلى ماسكەۋدەگى ۇيالى بايلانىس بويىنشا تۋىنداعان ماسەلەلەر مەرەكەلىك شارالاردىڭ قاۋىپسىزدىگىن قامتاماسىز ەتۋ ءۇشىن ەكەنىن مالىمدەدى.
بيلىك وكىلدەرى بۇل اقاۋلار 9 مامىرعا دەيىن جالعاسۋى مۇمكىن ەكەنىن ەسكەرتتى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز