ۇلى جەڭىستىڭ 80 جىلدىعىنا وراي كوكشەتاۋ قالاسىندا بىرقاتار رۋحاني-مادەني شارالار وتكىزىلەدى. سولاردىڭ ىشىندە ەرەكشە نازار اۋدارارلىق ەكى قويىلىم – «سوڭعى حات» جانە «ساربازدىڭ اكەسى». بۇل تۋىندىلار سوعىس زاردابىن شىنايى تۇردە بەينەلەپ، كورەرمەننىڭ جۇرەگىنە جول تاباتىن قويىلىمدار بولماق.
7 مامىر كۇنى ساعات 17:00-دە شاحمەت قۇسايىنوۆ اتىنداعى قازاق مۋزىكالىق-دراما تەاترىندا «سوڭعى حات» سپەكتاكل-كونتسەرتىنىڭ پرەمەراسى وتەدى. قويىلىمنىڭ ينستسەنيروۆكاسىن تەاتردىڭ كوركەمدىك جەتەكشىسى ماناربەك قىدىرباي جاساپ، رەجيسسەرلىك تىزگىندى «مادەنيەت سالاسىنىڭ ۇزدىگى» مەدەت حامزين ۇستاعان.
«قويىلىمدا سۇراپىل سوعىستىڭ ادامزات جۇرەگىنە سالعان اۋىر جاراسى، مايدان دالاسىندا قازا تاپقان باتىرلار رۋحىنا تاعزىم، بەيبىت ءومىردىڭ قادىرى مەن مايداننان جەتكەن قارالى حاتتار ارقىلى سوعىس تراگەدياسى كوركەم بەينەلەنەدى. سونىمەن قاتار، سول جىلدارداعى اندەر شىرقالىپ، كورەرمەنگە بەيبىت كۇننىڭ ءمانى مەن قۇنىن ۇعىندىرادى»، دەيدى ۇيىمداستىرۋشىلار.
6, 8 جانە 10 مامىر كۇندەرى ساعات 18:00-دە اقمولا وبلىستىق ورىس دراما تەاترىندا سۋليكو جگەنتيدىڭ «ساربازدىڭ اكەسى» اتتى پەساسىنىڭ جەلىسىمەن ساحنالانعان قويىلىم وتەدى. بۇل قويىلىمدى تەاتردىڭ باس رەجيسسەرى، «مادەنيەت سالاسىنىڭ ۇزدىگى» ولگا لۋتسيۆا ساحنالاعان.
قويىلىمدا قارت گرۋزين شارۋاسى گەورگي ءماحاراشۆيليدىڭ سوعىسقا اتتانعان ۇلىن ىزدەپ، مايدان دالاسىنا ءوز ەركىمەن اتتانعانى باياندالادى. ول سوعىسقا جاۋىنگەر رەتىندە ەمەس، اكە رەتىندە بارادى. جولىندا كەزدەسكەن ادامداردىڭ تاعدىرى ارقىلى ول سوعىستىڭ ورتاق قاسىرەت ەكەنىن تۇسىنەدى. قويىلىمدا ماحاببات، ءۇمىت، ادامگەرشىلىك، توزىمدىلىك پەن اكەلىك مەيىرىم سەكىلدى قۇندىلىقتار تەرەڭ قوزعالادى.
پەسا ايگىلى رەجيسسەر رەزو چحەيدزە تۇسىرگەن 1964 جىلعى «ساربازدىڭ اكەسى» فيلمىنە نەگىزدەلگەن. شىعارما XX عاسىردا كورەرمەننىڭ جۇرەگىن جاۋلاپ، بۇگىنگى كۇنگە دەيىن وزەكتىلىگىن جوعالتپاعان. بۇل – پافوسسىز، شىنايى اڭگىمە، سوعىس كەزىندەگى ادامي سەزىمدەر مەن رۋحتىڭ بيىكتىگىن پاش ەتەتىن تۋىندى.
ەكى قويىلىم دا جەڭىستىڭ 80 جىلدىعىنا ارنالعان تاريحي-مادەني ەسكە الۋ شارالارىنىڭ اجىراماس بولىگى. ۇيىمداستىرۋشىلاردىڭ ماقساتى – كورەرمەننىڭ جۇرەگىندە وتانعا دەگەن سۇيىسپەنشىلىك، تاريحي جاد پەن بەيبىت ءومىردىڭ قۇندىلىعىنا دەگەن قۇرمەتتى وياتۋ.
ءىس-شارالارعا جاستار، شىعارماشىلىق قاۋىم وكىلدەرى، ارداگەرلەر ۇيىمدارىنىڭ مۇشەلەرى مەن تەاتر ونەرىن سۇيەتىن جۇرتشىلىق شاقىرىلادى.
7 مامىر كۇنى ساعات 17:00-دە شاحمەت قۇسايىنوۆ اتىنداعى قازاق مۋزىكالىق-دراما تەاترىندا «سوڭعى حات» سپەكتاكل-كونتسەرتىنىڭ پرەمەراسى وتەدى. قويىلىمنىڭ ينستسەنيروۆكاسىن تەاتردىڭ كوركەمدىك جەتەكشىسى ماناربەك قىدىرباي جاساپ، رەجيسسەرلىك تىزگىندى «مادەنيەت سالاسىنىڭ ۇزدىگى» مەدەت حامزين ۇستاعان.
«قويىلىمدا سۇراپىل سوعىستىڭ ادامزات جۇرەگىنە سالعان اۋىر جاراسى، مايدان دالاسىندا قازا تاپقان باتىرلار رۋحىنا تاعزىم، بەيبىت ءومىردىڭ قادىرى مەن مايداننان جەتكەن قارالى حاتتار ارقىلى سوعىس تراگەدياسى كوركەم بەينەلەنەدى. سونىمەن قاتار، سول جىلدارداعى اندەر شىرقالىپ، كورەرمەنگە بەيبىت كۇننىڭ ءمانى مەن قۇنىن ۇعىندىرادى»، دەيدى ۇيىمداستىرۋشىلار.
6, 8 جانە 10 مامىر كۇندەرى ساعات 18:00-دە اقمولا وبلىستىق ورىس دراما تەاترىندا سۋليكو جگەنتيدىڭ «ساربازدىڭ اكەسى» اتتى پەساسىنىڭ جەلىسىمەن ساحنالانعان قويىلىم وتەدى. بۇل قويىلىمدى تەاتردىڭ باس رەجيسسەرى، «مادەنيەت سالاسىنىڭ ۇزدىگى» ولگا لۋتسيۆا ساحنالاعان.
قويىلىمدا قارت گرۋزين شارۋاسى گەورگي ءماحاراشۆيليدىڭ سوعىسقا اتتانعان ۇلىن ىزدەپ، مايدان دالاسىنا ءوز ەركىمەن اتتانعانى باياندالادى. ول سوعىسقا جاۋىنگەر رەتىندە ەمەس، اكە رەتىندە بارادى. جولىندا كەزدەسكەن ادامداردىڭ تاعدىرى ارقىلى ول سوعىستىڭ ورتاق قاسىرەت ەكەنىن تۇسىنەدى. قويىلىمدا ماحاببات، ءۇمىت، ادامگەرشىلىك، توزىمدىلىك پەن اكەلىك مەيىرىم سەكىلدى قۇندىلىقتار تەرەڭ قوزعالادى.
پەسا ايگىلى رەجيسسەر رەزو چحەيدزە تۇسىرگەن 1964 جىلعى «ساربازدىڭ اكەسى» فيلمىنە نەگىزدەلگەن. شىعارما XX عاسىردا كورەرمەننىڭ جۇرەگىن جاۋلاپ، بۇگىنگى كۇنگە دەيىن وزەكتىلىگىن جوعالتپاعان. بۇل – پافوسسىز، شىنايى اڭگىمە، سوعىس كەزىندەگى ادامي سەزىمدەر مەن رۋحتىڭ بيىكتىگىن پاش ەتەتىن تۋىندى.
ەكى قويىلىم دا جەڭىستىڭ 80 جىلدىعىنا ارنالعان تاريحي-مادەني ەسكە الۋ شارالارىنىڭ اجىراماس بولىگى. ۇيىمداستىرۋشىلاردىڭ ماقساتى – كورەرمەننىڭ جۇرەگىندە وتانعا دەگەن سۇيىسپەنشىلىك، تاريحي جاد پەن بەيبىت ءومىردىڭ قۇندىلىعىنا دەگەن قۇرمەتتى وياتۋ.
ءىس-شارالارعا جاستار، شىعارماشىلىق قاۋىم وكىلدەرى، ارداگەرلەر ۇيىمدارىنىڭ مۇشەلەرى مەن تەاتر ونەرىن سۇيەتىن جۇرتشىلىق شاقىرىلادى.
