اقتوبەدە بەسىنشى قاباتتان بالا قۇلاپ، اۋرۋحاناعا جاتقىزىلدى. اقپاراتتى اقتوبە وبلىسىنىڭ پوليتسيا دەپارتامەنتى راستادى، دەپ حابارلايدى “ادىرنا” ۇلتتىق پورتالى.
"5 مامىردا ءۇش جاسار بالا كوپقاباتتى ءۇيدىڭ بەسىنشى قاباتىنان قۇلاپ كەتتى. اپات سالدارىنان بالا جاراقات الىپ، مەديتسينالىق مەكەمەگە جاتقىزىلدى", - دەپ حابارلادى اقتوبە وبلىسىنىڭ پوليتسيا دەپارتامەنتىنەن.
وقيعا بويىنشا بالانىڭ اتا-اناسى كامەلەتكە تولماعان بالانى تاربيەلەۋ جونىندەگى مىندەتتەردى تيىسىنشە ورىنداماعانى ۇشىن جاۋاپقاتارتىلاتىن بولادى.
پوليتسيا دەپارتامەنتى اتا-انالارعا بالالاردىڭ تەرەزەدەن قۇلاۋىنىڭ الدىن الۋ ماقساتىندا قاۋىپسىزدىك شارالارىن ساقتاۋ قاجەتتىگىن ەسكە سالادى.
تەرەزەلەرگە قورعانىس قۇرىلعىلارىن ورناتۋعا، بالالاردىڭ قاراۋسىز قالۋىنا جول بەرمەۋگە، سونداي اق، بالالارعا تەرەزە ساڭىلاۋلارىنىڭ جانىندا ويناۋدىڭ قاۋىپتىلىگىن تۇسىندىرۋگە ەرەكشە نازار اۋدارۋ كەرەك.
