اقش-تىڭ حيۋستون قالاسىندا ۇيىمداستىرىلعان تۋعان كۇن كەشىندە اتىس بولىپ، 16 ادام جاراقات الدى. بۇل تۋرالى ەلدىڭ قۇقىق قورعاۋ ورگاندارى ايتتى، دەپ حابارلايدى «ادىرنا» ءتىلشىسى.
وقىس وقيعا 3 مامىردان 4 مامىرعا قاراعان ءتۇنى ساعات 00:40 شاماسىندا چەرريحيلل كوشەسىنىڭ 6000-بلوگىندا بولعان. پوليتسيا مالىمەتىنشە، كەشكە شاقىرىلماعان بەيتانىس ادام كەلىپ، كەنەتتەن وق جاۋدىرعان. وعان جاۋاپ رەتىندە ىشتەگىلەر دە قارۋ قولدانعان.
16 مەن 40 جاس ارالىعىنداعى 15 ادام وق جاراقاتىمەن اۋرۋحاناعا جەتكىزىلگەن. 18 جاستاعى جىگىت مەديتسينالىق مەكەمەدە كوز جۇمعان.
قازىرگى تاڭدا اتىسقا كۇدىكتى ادامنىڭ جەكە باسى انىقتالىپ جاتىر.
