سوڭعى 13 جىلدا قازاقستاندا اۆياتسيالىق اپاتتاردان 124 ادام قازا تاپتى. بۇل تۋرالى كولىك مينيسترلىگىنىڭ كولىكتەگى جازاتايىم وقيعالاردى جانە وقىس وقيعالاردى تەرگەۋ دەپارتامەنتى ايتتى، دەپ حابارلايدى «ادىرنا» ءتىلشىسى قازتاگ-قا سىلتەمە جاساپ.
«سوڭعى 13 جىلدا اا سالاسىندا 68 اۆياتسيالىق وقيعا تىركەلگەن، ونىڭ 26-سى ادام ولىمىمەن اياقتالىپ، ناتيجەسىندە 124 ادام قازا تاپقان. ال 42 وقيعا ادام شىعىنىسىز وتكەن»، – دەلىنگەن حابارلامادا.
ال 2024 جىلعى ەلدىڭ ازاماتتىق اۆياتسياسى اۋە كەمەلەرىنىڭ قاۋىپسىزدىك جاعدايىن تالداۋعا سايكەس، بىلتىر اۆياتسيالىق اپاتتاردان 39 ادام مەرت بولعان.
اۆياتسيالىق وقيعالاردىڭ قىزمەت تۇرلەرى بويىنشا ۇلەسى:
كوممەرتسيالىق اۆياتسيا وپەراتورلارى جالپى او سانىنىڭ 22%-ىن (15 وقيعا) قۇرادى; اۆياتسيالىق جۇمىستاردى ورىندايتىن وپەراتورلار، ونىڭ ىشىندە اۆياتسيالىق وقۋ ورتالىقتارى – 76% (52 وقيعا); جالپى ماقساتتاعى اۆياتسيا وپەراتورلارى – 2% (1 وقيعا).
