بۇگىن ابىلايحان الاڭى ناعىز دوستىق پەن بىرلىكتىڭ سيمۆولىنا اينالدى. ۇلتتىق كيىم كيگەن كوپشىلىك، كوككە جەلبىرەگەن كوك تۋ، جاندى مۋزىكا مەن كۇمبىرلەگەن كۇي – ءبارى دە ەلدەگى ەتنوستار اراسىنداعى جاراسىمدى ءومىردىڭ كورىنىسى ىسپەتتى. بۇل كوكشەتاۋلىقتار مەن قالا قوناقتارى قازاقستان حالقىنىڭ بىرلىگى كۇنىن كەڭ كولەمدە اتاپ وتكەنىنىڭ دالەلى.
بۇل جاي عانا مەرەكە ەمەس. بۇل تاتۋلىق پەن ءوزارا تۇسىنىستىكتىڭ، ءارتۇرلى مادەنيەتتىڭ ءبىر ارنادا توعىسىپ، ءبىرتۇتاس ەل بولا العانىننىڭ ايعاعى. مەرەكەگە كەلگەن ءار ادامنىڭ جۇزىنەن قۋانىش پەن ماقتانىش سەزىمى بايقالدى. مەرەكەلىك شارا بارىسىندا اقمولا وبلىسى اكىمىنىڭ ورىنباسارى دوسۇلان ايتباەۆ بارشا جۇرتتى ايتۋلى كۇنمەن قۇتتىقتاپ، بىرلىك پەن ىنتىماقتىڭ ەل دامۋىنداعى ماڭىزىنا توقتالدى.
سالتاناتتى جيىن بارىسىندا ەل بىرلىگىن نىعايتۋعا ۇلەس قوسىپ جۇرگەن بىرقاتار اقمولالىق ازاماتتار ارنايى ماراپاتتار مەن مەرەيتويلىق توسبەلگىلەرگە يە بولدى. سولاردىڭ ءبىرى – قوعام قايراتكەرى، قازاقستان حالقى اقمولا اسسامبلەياسىنىڭ ارداگەرى مەيرامبەك قيىقوۆ.
بۇل جاي عانا مەرەكە ەمەس. بۇل تاتۋلىق پەن ءوزارا تۇسىنىستىكتىڭ، ءارتۇرلى مادەنيەتتىڭ ءبىر ارنادا توعىسىپ، ءبىرتۇتاس ەل بولا العانىننىڭ ايعاعى. مەرەكەگە كەلگەن ءار ادامنىڭ جۇزىنەن قۋانىش پەن ماقتانىش سەزىمى بايقالدى. مەرەكەلىك شارا بارىسىندا اقمولا وبلىسى اكىمىنىڭ ورىنباسارى دوسۇلان ايتباەۆ بارشا جۇرتتى ايتۋلى كۇنمەن قۇتتىقتاپ، بىرلىك پەن ىنتىماقتىڭ ەل دامۋىنداعى ماڭىزىنا توقتالدى.
«ۇلتتىق بىرلىك – باعا جەتپەس بايلىعىمىز، مەملەكەتتىگىمىزدىڭ بەرىك ىرگەتاسى. بۇگىنگى مەرەكە ەلىمىزدەگى كوپۇلتتى قوعامنىڭ بىرتۇتاستىعىن پاش ەتەتىن، ورتاق مۇراتتارعا دەگەن ادالدىقتى ايقىندايتىن ەرەكشە كۇن. ءبىز ءبارىمىز ءبىر شاڭىراقتىڭ، ءبىر تاعدىردىڭ، ءبىر بولاشاقتىڭ ادامىمىز»، – دەدى اكىم ورىنباسارى.ءىس شارا بارىسىندا «بىرلىك» سپورتتىق جارىسىنىڭ قاتىسۋشىلارى الاڭعا سالتاناتتى تۇردە كىرىپ، كورەرمەندەرگە ەرەكشە اسەر سىيلادى. ەتنومادەني ورتالىقتاردىڭ وكىلدەرى، ستۋدەنتتەر، وقۋشىلار جانە قوعام بەلسەندىلەرى قاتىسقان بۇل شارا ەل ىشىندەگى دوستىق پەن ءوزارا قۇرمەتتىڭ ناقتى كورىنىسى بولدى.
سالتاناتتى جيىن بارىسىندا ەل بىرلىگىن نىعايتۋعا ۇلەس قوسىپ جۇرگەن بىرقاتار اقمولالىق ازاماتتار ارنايى ماراپاتتار مەن مەرەيتويلىق توسبەلگىلەرگە يە بولدى. سولاردىڭ ءبىرى – قوعام قايراتكەرى، قازاقستان حالقى اقمولا اسسامبلەياسىنىڭ ارداگەرى مەيرامبەك قيىقوۆ.
«بۇل ماراپات مەن ءۇشىن ۇلكەن جاۋاپكەرشىلىك. ەڭبەگىمدى ەلەگەن ەل ازاماتتارىنا العىسىم شەكسىز. قازاق ءتىلى مەن مادەنيەتىن دارىپتەۋ، ەلدىڭ تاتۋلىعىن ساقتاۋ ءاربىرىمىزدىڭ ازاماتتىق پارىزىمىز»، – دەدى ارداگەر تولقىنىسپەن.مەرەكەلىك شارادا ءتۇرلى ۇلت وكىلدەرىنىڭ ءانى مەن ءبيى كورەرمەندەردى ءتانتى ەتتى. «گاككۋ»، «كوكشەتاۋ»، «سۋۆەنير»، «قازىنا» سىندى حالىقتىق انسامبلدەر مەن ونەر ۇجىمدارىنىڭ ونەرى ارقىلى ەلىمىزدىڭ باي مادەني كەلبەتى ايقىن كورىندى. مەرەكەلىك كوڭىل كۇيگە بولەنگەن قالا تۇرعىندارى دا ىشتەگى تولقىنىس پەن قۋانىشتى جاسىرمادى.
«بۇل مەرەكەدە تەك ءان-كۇي ەمەس، ادامدار اراسىنداعى شىنايى جىلىلىق سەزىلەدى. ءار ۇلت ءوز ونەرىن پاش ەتىپ، ءبىر-ءبىرىن قۇرمەتپەن قارسى الادى. ناعىز دوستىق وسىنداي بولادى»، – دەيدى قالا تۇرعىنى.مەرەكەنىڭ ەرەكشەلىگى بيىل قازاقستان حالقى اسسامبلەياسىنىڭ 30 جىلدىعىمەن تۇسپا-تۇس كەلۋى. بۇل تاريحي قۇرىلىمنىڭ ەل بىرلىگىن ساقتاۋداعى ورنى ەرەكشە ەكەنىن كوپشىلىك تاعى ءبىر مارتە سەزىندى. شارا سوڭىندا بارلىق ونەرپازدار مەن جۇرگىزۋشىلەر ساحنا تورىنە شىعىپ، «قازاقستان – التىن ۇيام، بەسىگىم» ءانىن ورىندادى. كوك تۋدىڭ استىندا توعىسقان سان ۇلت وكىلى ءبىر داۋىسپەن بولاشاققا دەگەن ءۇمىتىن، ەلگە دەگەن سۇيىسپەنشىلىگىن جەتكىزدى. ايتا كەتەيىك، بۇگىندە اقمولا وبلىسىندا 48 ەتنومادەني بىرلەستىك جۇمىس ىستەيدى. ولار 100-گە جۋىق ەتنوس وكىلدەرىنىڭ ءوزارا تاتۋلىعىن نىعايتىپ، ورتاق مۇددە جولىندا ەڭبەك ەتۋدە.
