اقمولا وبلىسى «تازا قازاقستان» ەكولوگيالىق اكتسياسىنا بەلسەندى تۇردە قاتىسىپ كەلەدى. بۇگىنگى تاڭدا 340 گەكتار جەرگە 2,3 ميلليوننان استام كوشەت وتىرعىزىلدى. اكتسياعا وبلىستىڭ بارلىق وڭىرلەرى جۇمىلا قاتىستى.
بۇگىن اكتسيا ارشالى اۋدانىندا جالعاسىن تاپتى. ءىس-شاراعا اقمولا وبلىسىنىڭ اكىمى مارات احمەتجانوۆ تۇرعىندارمەن، ەرىكتىلەرمەن، دەپۋتاتتارمەن جانە ەڭبەك ۇجىمدارىمەن بىرگە قاتىسىپ، ارشالى كەنتىندەگى دەنە شىنىقتىرۋ-ساۋىقتىرۋ كەشەنىنىڭ اۋماعىنا 100-دەن استام قىلقان جاپىراقتى اعاش كوشەتتەرىن وتىرعىزدى.
بۇگىن اكتسيا ارشالى اۋدانىندا جالعاسىن تاپتى. ءىس-شاراعا اقمولا وبلىسىنىڭ اكىمى مارات احمەتجانوۆ تۇرعىندارمەن، ەرىكتىلەرمەن، دەپۋتاتتارمەن جانە ەڭبەك ۇجىمدارىمەن بىرگە قاتىسىپ، ارشالى كەنتىندەگى دەنە شىنىقتىرۋ-ساۋىقتىرۋ كەشەنىنىڭ اۋماعىنا 100-دەن استام قىلقان جاپىراقتى اعاش كوشەتتەرىن وتىرعىزدى.
«بۇگىندە ءبىز بۇكىل ەلىمىز بويىنشا ءوتىپ جاتقان «تازا قازاقستان» ەكولوگيالىق اكتسياسىنا بەلسەنە اتسالىسىپ جاتىرمىز. بۇل – ەلىمىزدىڭ بولاشاعى مەن كەلەر ۇرپاقتىڭ ساۋلىعى ءۇشىن جاسالىپ وتىرعان ۇلكەن قادام. مەملەكەت باسشىسى قاسىم-جومارت كەمەلۇلى توقاەۆ تا جۋىردا ەكوفەستيۆالگە قاتىسىپ، بارشانى تابيعاتتى ايالاپ، تۋعان جەردىڭ تازالىعىن ساقتاۋعا شاقىردى. پرەزيدەنتىمىز ەكولوگيالىق مادەنيەتتى قالىپتاستىرۋ – ءار ازاماتتىڭ جاۋاپكەرشىلىگى ەكەنىن ەرەكشە اتاپ ءوتتى. «تازا قازاقستان» – تەك قوقىس جيناۋ عانا ەمەس، بۇل – سانا-سەزىمنىڭ جاڭعىرۋى، ءار ادامنىڭ تۋعان جەرىنە دەگەن جاناشىرلىق سەزىمىن وياتۋ»، – دەدى ءوڭىر باسشىسى.«بۇل ءبىز ءۇشىن جاي عانا اكتسيا ەمەس. ءار وتىرعىزىلعان كوشەت – اۋانىڭ تازارىپ، تابيعاتتىڭ كوركەيىپ، بولاشاققا دەگەن ءۇمىتتىڭ ارتۋىنا قوسىلعان ءبىر تامشى ءومىر»، – دەپ پىكىر ءبىلدىردى اكتسياعا قاتىسۋشى كريستينا كيۋتينا اۋدان تۇرعىندارى دا باستامانى قولداپ، قورشاعان ورتانىڭ تازالىعى ءۇشىن مۇنداي شارالاردىڭ ماڭىزى زور ەكەنىن اتاپ ءوتتى.
«قوقىس جيناپ، اعاش وتىرعىزۋ ارقىلى ءبىز تەك وزىمىزگە عانا ەمەس، بۇكىل پلانەتاعا كومەك كورسەتەمىز»، – دەدى يزباسار نۇربولات.ايتا كەتەيىك، جالپى «تازا قازاقستان» اكتسياسى اياسىندا 2025 جىلعا دەيىن اقمولا وبلىسىندا 2000 گەكتار اۋماققا 14 ميلليون اعاش وتىرعىزۋ جوسپارلانىپ وتىر.
