يراننىڭ يسلامشەحر قالاسىندا قايعىلى وقيعا ورىن الدى. 18 جاستاعى فاتەمە سولتاني ەسىمدى قىزدى تۋعان اكەسى پىشاقتاپ ءولتىردى.
باق بەتتەرىندە، قايعىلى وقيعاعا سەبەپ - قىزدىڭ ايەلدەر سالونىندا جۇمىس ىستەۋى دەلىنگەن.
“فاتەمە سولتاني اكەسىنەن قورقىپ، سۇلۋلىق سالونىندا جۇمىس ىستەيتىنىن جاسىرعان. الايدا اكەسى ونىڭ جۇمىس ورنىن انىقتاپ، كليەنت رەتىندە سالونعا حابارلاسىپ، مەكەنجايىن ءبىلىپ العان”، دەلىنگەن باق بەتتەرىندە.
ال ۆۆس-گە قىزدىڭ باۋىرى بەرگەن سۇحباتىندا، قىز اكەسىنىڭ اناسىنا جاساعان قياناتىن بىلگەندىكتەن ولتىرگەن.
اكەسى ونى كوشەدە ولتىرگەننەن كەيىن، ءوزى پوليتسياعا بەرىلگەن.
العاشقى تەرگەۋدە ول ءوز ايەلىمەن اراسى ناشار بولعانىن ايتىپ، ايەلىنەن كەك الۋ ءۇشىن وسى ارەكەتكە بارعانىن ايتقان.
مالىمەتكە قاراعاندا، ەندى ايەلى مەن ۇلى اكەسىنە قىساس جازاسىن سۇراپ وتىر. ياعني، ءوش الۋ، اكەسىن دە ءولىم جازاسىنا كەسۋ.
وقيعا ورنىندا بولعان كۋاگەرلەردىڭ ايتۋىنشا، ەر ادام پىشاقپەن سۇلۋلىق سالونىنا كىرىپ، قىزىن شاشىنان ۇستاپ، بىرنەشە رەت پىشاقتاعان. ول قىزىن ولتىرمەك بولىپ، باسىن كەسۋگە تىرىسقان، بىراق سىرتتاعى ادامداردىڭ ايقايىنان كەيىن وقيعا ورنىنان قاشىپ كەتكەن.
كەيىنىرەك ول ايەلىنە قوڭىراۋ شالىپ: "مەن سەنى وسى قايعىمەن قالدىردىم" دەگەن.
قۇقىق قورعاۋ ورگاندارىنىڭ مالىمەتىنشە، قىلمىسكەر ۇستالىپ، وعان قاتىستى قىلمىستىق ءىس قوزعالدى. فاتەمە اكەسىنىڭ ءجيى كورسەتەتىن زورلىق-زومبىلىعىنان قاشىپ، بولەك تۇرۋعا ءماجبۇر بولعان.
بۇل وقيعا يرانداعى ايەلدەردىڭ قۇقىقتارى مەن وتباسىلىق زورلىق-زومبىلىق ماسەلەلەرىنە قوعام نازارىن اۋداردى. مىسالى، 2024 جىلدىڭ ناۋرىزىنان قىركۇيەك ايىنا دەيىن يراندا تۋىستارى نەمەسە وتباسى مۇشەلەرى تاراپىنان 78 ايەل ولتىرىلگەنى حابارلانعان.
