استانانىڭ سول جاعالاۋىنداعى مينيسترلەر ءۇيىنىڭ جانىندا ەر ادامدى اۆتوكولىك قاعىپ كەتتى. جول اپاتى بۇگىن تاڭەرتەڭ دوستىق كوشەسىندە بولعان، دەپ حابارلايدى “ادىرنا” ۇلتتىق پورتالى.
«الدىن الا مالىمەت بويىنشا Nissan اۆتوكولىگىندە وتىرعان جۇرگىزۋشى جولدى رۇقسات ەتىلمەگەن جەردەن كەسىپ وتكەن ەر ادامدى قاعىپ كەتكەن. زارداپ شەككەن ادام اۋرۋحاناعا جاتقىزىلدى، وعان مەديتسينالىق كومەك كورسەتىلىپ جاتىر»، - دەپ مالىمدەدى قالالىق پوليتسيا دەپارتامەنتى.
پوليتسيا جۇرگىزۋشىلەر مەن جاياۋ جۇرگىنشىلەردى جولدا مۇقيات بولۋعا جانە جول ەرەجەلەرىن قاتاڭ ساقتاۋعا شاقىردى.
ۇقساس جاڭالىقتار
