اقمولا وبلىسى ادىلەت دەپارتامەنتى بىرقاتار ماڭىزدى باعىتتار بويىنشا ناتيجەلى جۇمىس اتقاردى. اتالعان كەزەڭدە 189 نورماتيۆتىك قۇقىقتىق اكتىنىڭ جوباسى كەلىسۋگە ۇسىنىلدى، ونىڭ ىشىندە 23 اكت مەملەكەتتىك تىركەۋگە الىندى. 17 اكت بويىنشا 4 ۇسىنىس ەنگىزىلدى. بۇل تۋرالى اقمولا وبلىسى ادىلەت دەپارتامەنتى وكىلدەرى بريفينگ بارىسىندا ءمالىم ەتتى، دەپ حابارلايدى وڭىرلىك كوممۋنيكاتسيالار قىزمەتىنەن.
دەپارتامەنت 12 ءتۇرلى مەملەكەتتىك قىزمەت كورسەتەدى. 2025 جىلدىڭ ءى توقسانىندا 318 قىزمەت كورسەتىلدى.«رەينجينيرينگ اتتەستاتسي» پيلوتتىق جوباسى اياسىندا ادۆوكاتتىق، نوتارياتتىق جانە جەكە سوت ورىنداۋشى قىزمەتىنە اتتەستاتتاۋ پروتسەسى اۆتوماتتاندىرىلدى.
«تسيفرلىق سەنىمحات» جوباسى ارقىلى زاڭدى تۇلعالار EGOV MOBILE BUSINESS قوسىمشاسىندا سەنىمحاتتاردى ونلاين راسىمدەي الادى. «تسيفرلىق نوتاريات» جوباسى بەينەقوڭىراۋ جانە بيومەتريالىق سايكەستەندىرۋ ارقىلى نوتارياتتىق ارەكەتتەردى قاشىقتان ورىنداۋعا مۇمكىندىك بەرەدى»، دەدى اقمولا وبلىسى ادىلەت دەپارتامەنتى باسشىسىنىڭ ورىنباسارى.
وسى جىلدىڭ ءى توقسانىندا وبلىس نوتاريۋستارى 15 865 اتقارۋشىلىق جازبا جاسادى، ونىڭ ىشىندە 1 637-ءسى جويىلدى.
«ە-زاڭ كومەگى» جوباسى ادۆوكاتتار مەن زاڭ كەڭەسشىلەرىنىڭ قىزمەتىن اۆتوماتتاندىرىپ، ازاماتتارعا 24/7 رەجيمىندە قۇقىقتىق كەڭەس الۋعا مۇمكىندىك بەرەدى. 2025 جىلى 3 161 ازاماتقا مەملەكەتتىك كەپىلدەندىرىلگەن زاڭ كومەگى كورسەتىلدى»، دەيدى سپيكەر.
2025 جىلدىڭ ءى توقسانىندا 147 تىركەۋ ارەكەتى جۇرگىزىلدى. مۇلىك يەلەرى بىرلەستىگى تىركەۋ پروتسەسى ونلاين فورماتقا اۋىستىرىلىپ، 5 ەلەكتروندىق تىركەۋ جۇزەگە اسىرىلدى.
دەپارتامەنت 169 قۇقىقتىق ءتۇسىندىرۋ ءىس-شاراسىن وتكىزىپ، الەۋمەتتىك جەلىلەر مەن ۆەدومستۆولىق سايتتاردا 794 جاريالانىم ورنالاستىردى. «حالىق زاڭگەرى»، «ادىلەت كەڭەس بەرەدى» جانە «تەگىن زاڭ كومەگى كۇندەرى» اكتسيالارى تۇراقتى تۇردە وتكىزىلىپ كەلەدى. سونداي-اق، اۋىلدىق وكرۋگتەردە 238 «قۇقىق كابينەتى» اشىلىپ، 2025 جىلدىڭ ءى توقسانىندا 2 137 ازاماتقا قىزمەت كورسەتتى.
اقمولا وبلىسى ادىلەت دەپارتامەنتى قۇقىقتىق مادەنيەتتى ارتتىرۋ جانە ازاماتتاردىڭ قۇقىقتىق ساۋاتتىلىعىن كوتەرۋ باعىتىندا جۇمىستارىن جالعاستىرۋدا.
