تۇرعىندارعا وڭىردەگى قۇقىقتىق احۋال جايىندا اشىق اقپارات بەرۋ، قابىلدانىپ جاتقان شارالار مەن زاماناۋي تەحنولوگيالاردىڭ تيىمدىلىگىن ءتۇسىندىرۋ تۋرالى قر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ كوميتەتىنىڭ اقمولا وبلىسى بويىنشا دەپارتامەنتى قىلمىستىق سالاداعى قۇقىقتىق اقپاراتتى قالىپتاستىرۋ ءبولىمىنىڭ باستىعى ۆيكتور كراسنوۋسوۆ بريفينگتە ءمالىم ەتتى، دەپ حابارلايدى وڭىرلىك كوممۋنيكاتسيالار قىزمەتىنەن.
جىل باسىنان بەرى تىركەلگەن وتىنىشتەر مەن حابارلامالار سانى ارتقانىمەن، بىرقاتار اۋدانداردا قىلمىس سانىنىڭ كۇرت تومەندەگەنى بايقالادى. مىسالى، ەرەيمەنتاۋ، بۋراباي اۋداندارى مەن قوسشى قالاسىندا اۋىر جانە ورتاشا قىلمىستار ەكى ەسەگە دەيىن ازايعان.
سونىمەن قاتار، ونشا اۋىر ەمەس جانە ورتاشا دەڭگەيدەگى قىلمىستار ازايعانىمەن، اۋىر جانە اسا اۋىر قىلمىستار سانى ءوسىپ وتىر. بۇل قۇقىق قورعاۋ ورگاندارىنىڭ الدىن الۋ شارالارىن قايتا قاراۋىنا سەبەپ بولىپ وتىر.
«جىل سايىن الاياقتىق قىلمىستارى كۇرت كوبەيىپ كەلەدى، اسىرەسە ينتەرنەت الاياقتىق كەڭ تارالعان. ونلاين نەسيەلەر، جالعان لوتەرەيالار مەن بانكتىك سمس/قوڭىراۋلار ارقىلى جاسالاتىن قىلمىستار سانى بىرنەشە ەسە وسكەن. مۇنداي دەرەكتەردىڭ باسىم بولىگى كوكشەتاۋ قالاسىندا تىركەلۋدە»، - دەدى سپيكەر.ستەپنوگورسك جانە بۇلاندى اۋدانىندا وتباسىلىق-تۇرمىستىق سالادا تىركەلەتىن قۇقىقبۇزۋشىلىقتار سانى ءوسىپ وتىر. ەسىرتكى قىلمىستارى دا ايتارلىقتاي ارتقان – ولاردىڭ جارتىسىنا جۋىعى كوكشەتاۋدا انىقتالعان. تسيفرلىق تەحنولوگيالار قۇقىق قورعاۋ جۇيەسىنە دە ەنىپ جاتىر. Qamqor.gov.kz پورتالى ارقىلى ازاماتتار قىلمىس تۋرالى ارىز بەرىپ، ايىپپۇلدار مەن ءوتىنىش مارتەبەسىن تەكسەرە الادى. سونىمەن قاتار، قىلمىس كارتاسى ارقىلى كەز كەلگەن تۇرعىن ءوز اۋدانىنىڭ قىلمىستىق احۋالىن كورىپ، ءتيىستى ساقتىق شارالارىن جوسپارلاي الادى. پلاتفورمادا ارنايى التى ءتۇرلى كارتا ەنگىزىلگەن: قىلمىس، جول-كولىك وقيعالارى، جاسوسپىرىمدەر اراسىنداعى قۇقىقبۇزۋشىلىقتار، جىنىستىق قىلمىس جاساعان تۇلعالار، مەملەكەتتىك ورگاندارعا جۇگىنۋ جانە كاسىپكەرلىككە جاسالعان تەكسەرىستەر كارتاسى.
«بىرىڭعاي سوتقا دەيىنگى تەرگەپ-تەكسەرۋ رەەسترى (ەردر) – قۇقىق قورعاۋ ورگاندارى جۇمىسىنداعى ەڭ باستى تسيفرلىق جۇيە. سوڭعى جىلدارى قىلمىستىق ىستەردىڭ باسىم بولىگى ەلەكتروندى فورماتتا تىركەلىپ، تەرگەلۋدە. بۇل جۇيە تەرگەۋدىڭ اشىقتىعى مەن تيىمدىلىگىن ارتتىرىپ، ازاماتتاردىڭ ىستەردىڭ بارىسىن ونلاين باقىلاۋىنا مۇمكىندىك بەرەدى»، - دەپ تولىقتىردى ۆيكتور كراسنوۋسوۆقوعامدىق سەكتور ءمودۋلى ارقىلى جابىرلەنۋشىلەر، قورعاۋشىلار مەن باسقا دا قاتىسۋشىلار ينتەرنەت ارقىلى ءوز ىسىمەن تانىسا الادى. بۇل — ادىلدىك پەن اشىقتىققا باعىتتالعان ۇلكەن قادام. اقمولا وبلىسىندا قىلمىستىق پروتسەستىڭ اشىقتىعى مەن تسيفرلانۋى ارتىپ كەلەدى. قوعام مەن قۇقىق قورعاۋ ورگاندارى اراسىنداعى بايلانىس نىعايىپ، زاماناۋي تەحنولوگيالار قىلمىستىڭ الدىن الۋدا ماڭىزدى قۇرالعا اينالۋدا. ەندى قاۋىپسىزدىك ماسەلەلەرى – تەك پوليتسيا مەن پروكۋروردىڭ عانا ەمەس، ءاربىر ازاماتتىڭ ورتاق جاۋاپكەرشىلىگىنە اينالماق.
