اقمولا وبلىسىنىڭ اتباسار قالاسىندا ەر ادام بەسىنشى قاباتتان قۇلاپ، اۋىر جاراقات الدى، دەپ حابارلايدى "ادىرنا" ۇلتتىق پورتالى.
وقيعا ءساتىن كۋاگەرلەر ۆيدەوعا ءتۇسىرىپ العان. كادرلاردان ەر ادامنىڭ كوپقاباتتى ءۇيدىڭ تەرەزەسىنە ءىلىنىپ تۇرعانى بايقالادى. ءبىر ساتتە قولى تايىپ، تومەنگە قۇلاعان.
جەدەل جاردەممەن جەتكىزىلگەن 34 جاستاعى ازاماتتىڭ ءتىرى ەكەنى بەلگىلى بولدى. الايدا دارىگەرلەر ونىڭ جاعدايى وتە اۋىر ەكەنىن حابارلادى. ونىڭ بارلىق ىشكى اعزالارى مەن ميى زاقىمدانعان.
قازىر ناۋقاسقا قاجەتتى مەديتسينالىق كومەك كورسەتىلىپ جاتىر. دارىگەرلەر ونىڭ ءومىرى ءۇشىن كۇرەسۋدە.
پوليتسيا وقيعاعا بايلانىستى تەرگەۋ جۇمىستارىن باستادى. قۇقىق قورعاۋ ورگاندارىنىڭ مالىمەتىنشە، بولعان جايتتىڭ ءمان-جايى انىقتالىپ، ءتيىستى پروتسەسسۋالدىق شەشىم قابىلداناتىن بولادى.
ەسكە سالا كەتەيىك، بۇعان دەيىن الماتى ماڭىندا ايەل ادام تەرەزە جۋىپ جاتىپ، 10-قاباتتان قۇلاپ كەتكەن بولاتىن.
