شىمكەنتتە ۇلى جەڭىستىڭ 80 جىلدىعىنا وراي «80 العىس ءسوز» فلەشموبى باستاۋ الدى. اتالعان فلەشموبقا قالا جاستارى، سپورت جانە مادەنيەت قايراتكەرلەرى، زيالى قاۋىم وكىلدەرى قاتىستى.
فلەشموبقا قاتىسۋشىلار ۇلى جەڭىستىڭ 80 جىلدىعىنا ارنالعان ارنايى پوستتار مەن ماقالالار، بەينە جازبالار مەن فوتولاردى الەۋمەتتىك جەلىلەرگە جاريالاۋ ارقىلى ۇلى وتان سوعىسىنىڭ ارداگەرلەرى مەن وزگە دە قاتىسۋشىلارىنا دەگەن زور العىسى مەن قۇرمەتىن كورسەتتى.
ولار اتا-بابالارىمىزدىڭ سۇراپىل سوعىس كەزىندەگى كوزسىز ەرلىگى مەن جانقيارلىعىنىڭ ارقاسىندا بۇگىنگى بەيبىتشىلىك پەن تۇراقتىلىققا، دامۋ مەن وركەندەۋگە قول جەتكىزگەنىمىزدى ەرەكشە اتاپ ءوتىپ، وزدەرىنىڭ ىزگى تىلەكتەرى مەن ىقىلاستارىن ءبىلدىردى.
شىمكەنتتە جەڭىستىڭ 80 جىلدىعىن اتاپ ءوتۋ بويىنشا جوسپارعا سايكەس كوپتەگەن ءىس-شارالار وتكىزىلۋدە.
بۇگىندە شىمكەنت قالاسىندا 2 ۇلى وتان سوعىسىنىڭ ارداگەرى، 1586 تىل ەڭبەك ارداگەرى، 166 ۇلى وتان سوعىسى ارداگەرلەرىنە تەڭەستىرىلگەن ارداگەر، 70 سوعىس ارداگەرىنىڭ جەسىرلەرى جانە 170 قازا تاپقان اسكەري قىزمەتشىلەر بار.
شىمكەنت قالاسى ءماسليحاتىنىڭ 2024 جىلعى 19 ناۋرىزداعى №14/123-VIII شەشىمى نەگىزىندە 1994 ادامعا مەرەكەگە وراي جالپى سوماسى 147,1 ملن تەڭگە كولەمىندە ءبىر رەتتىك الەۋمەتتىك كومەك كورسەتىلدى.
بۇدان وزگە، سوعىس جانە تىل ارداگەرلەرىنە اكىمدىك پەن كاسىپكەرلەر تاراپىنان ءتۇرلى الەۋمەتتىك كومەكتەر كورسەتىلىپ، قايىرىمدىلىق شارالار ۇيىمداستىرىلاۋدا. وسى جانە وزگە دە جۇمىستار جىل بويى جالعاسادى.
قالا جاستارى شىمكەنتتەن باستاۋ العان فلەشموب ارى قاراي قاراعاندى جانە اقتوبە وڭىرلەرىنە جولدادى.
