Shymkentte Uly Jeńistiń 80 jyldyǵyna oraı «80 alǵys sóz» fleshmoby bastaý aldy. Atalǵan fleshmobqa qala jastary, sport jáne mádenıet qaıratkerleri, zııaly qaýym ókilderi qatysty.
Fleshmobqa qatysýshylar Uly jeńistiń 80 jyldyǵyna arnalǵan arnaıy posttar men maqalalar, beıne jazbalar men fotolardy áleýmettik jelilerge jarııalaý arqyly Uly Otan soǵysynyń ardagerleri men ózge de qatysýshylaryna degen zor alǵysy men qurmetin kórsetti.
Olar ata-babalarymyzdyń surapyl soǵys kezindegi kózsiz erligi men janqııarlyǵynyń arqasynda búgingi beıbitshilik pen turaqtylyqqa, damý men órkendeýge qol jetkizgenimizdi erekshe atap ótip, ózderiniń izgi tilekteri men yqylastaryn bildirdi.
Shymkentte Jeńistiń 80 jyldyǵyn atap ótý boıynsha josparǵa sáıkes kóptegen is-sharalar ótkizilýde.
Búginde Shymkent qalasynda 2 Uly Otan soǵysynyń ardageri, 1586 tyl eńbek ardageri, 166 Uly Otan soǵysy ardagerlerine teńestirilgen ardager, 70 soǵys ardageriniń jesirleri jáne 170 qaza tapqan áskerı qyzmetshiler bar.
Shymkent qalasy máslıhatynyń 2024 jylǵy 19 naýryzdaǵy №14/123-VIII sheshimi negizinde 1994 adamǵa merekege oraı jalpy somasy 147,1 mln teńge kóleminde bir rettik áleýmettik kómek kórsetildi.
Budan ózge, soǵys jáne tyl ardagerlerine ákimdik pen kásipkerler tarapynan túrli áleýmettik kómekter kórsetilip, qaıyrymdylyq sharalar uıymdastyrylaýda. Osy jáne ózge de jumystar jyl boıy jalǵasady.
Qala jastary Shymkentten bastaý alǵan fleshmob ary qaraı Qaraǵandy jáne Aqtóbe óńirlerine joldady.
