5 ءساۋىر كۇنى كەشكە اقمولا وبلىسىنىڭ جاقسى اۋدانىندا، «استانا-اتباسار-جاقسى-رۋزاەۆكا-سارىكول-قوستاناي-شەكارا» تاس جولىنىڭ 963-ءشى شاقىرىمىندا اۆتوكولىك سۋعا باتىپ كەتتى، دەپ حابارلايدى "ادىرنا" ۇلتتىق پورتالى nayzakokshe ينستاگرام اككاۋنتىنا سىلتەمە جاساپ.
كولىكتى سۋ تاسقىنى جول جيەگىنەن اعىزىپ اكەتكەن.
الدىن الا بولجام بويىنشا، جۇرگىزۋشى سۋ باسقان ۋچاسكەنى كەسىپ وتپەك بولعان. ول جەردە سۋ تەرەڭدىگى شامامەن 50 سانتيمەترگە جەتكەن.
كولىكتەگى ەكى جولاۋشى وزدىگىنەن قۇتىلىپ، سىرتقا شىعا العان. اقپاراتقا سۇيەنسەك، كولىك جۇرگىزۋشىسى ءالى تابىلماعان.
بۇل وقيعانى اقمولا وبلىستىق توتەنشە جاعدايلار دەپارتامەنتى راستادى. الايدا ازىرگە وقيعاعا قاتىستى ناقتى مالىمەت جوق.
بولجامداردىڭ بىرىنە قاراعاندا جول تالعامايتىن كولىكتىڭ جۇرگىزۋشىسى پوليتسيا ەسكەرتۋىن ەلەمەگەن.
قۇتقارىلعان ادامدار قازىر اۋرۋحانادا. ولاردىڭ ءبىرى قاتتى سۋىق تيگەندىكتەن اۋىر حالدە جاتىر، دەلىنگەن Instagram پابليگىنىڭ اقپاراتىندا.
