اقتاۋدا وتكەن «اقتاۋ – تۇركى الەمىنىڭ مادەني استاناسى» گالا-كونتسەرتىندە ديماش قۇدايبەرگەن ونەر كورسەتتى، دەپ حابارلايدى "ادىرنا" ۇلتتىق پورتالى.
شارا ۇيىمداستىرۋشىلارىنىڭ ايتۋىنشا جاعالاۋعا شامامەن 100 مىڭ كورەرمەن جينالعان.
ديماش قۇدايبەرگەن ساحناعا شىققاندا كورەرمەندەردىڭ ەموتسياسى ەكى ەسەگە ارتتى. ءانشى ءوزىنىڭ تانىمال الەمدىك حيت اندەرىن ورىندادى. كورەرمەندەر ۇزاق ۋاقىت تولاسسىز قول شاپالاقتاپ، قۇرمەت كورسەتتى.
"مىڭ مارتە العىس، اقتاۋلىقتار، جەرلەستەر! قۇرمەتتەرىڭىز بەن ماحابباتتارىڭىز ءۇشىن باس يەمىن! — دەدى ديماش قۇدايبەرگەن ساحنادا تۇرىپ.
كورەرمەندەر سۇيىكتى ءانشىسىن ساحنادان ۇزاققا جىبەرمەي، قوشەمەت كورسەتتى.
قالا تۇرعىندارى ءانشىنىڭ كەڭ ۆوكالدىق دياپازونىنان بويلارىن تىك تۇرعىزعان شىمىر ەموتسيالار العاندارىن ايتىپ، الەۋمەتتىك جەلىدە بولىسۋدە.
"ۇلكەن ساحنا ديماش ءۇشىن ەكەن", "ديماش ءبىر ءوزى جاۋلاپ الدى" دەپ، تىڭدارماندار جارىسا پىكىر قالدىرۋدا.
سونداي-اق، ديماشتى كورۋ ءۇشىن بيىك شاتىرعا، اعاشقا شىققان كورەرمەندەردىڭ دە بەينەسى جەلىدە تارالۋدا.
ديماش قۇدايبەرگەننەن بولەك كونتسەرتتە Kalifarniya, ازەربايجاندىق ءانشى روزا زارگەرلى، وزبەك ەسترادا جۇلدىزى يۋلدۋز ۋسمانوۆا دا ونەر كورسەتكەن.
