ۇلىتاۋ وبلىسىنىڭ تەرەكتى ستانساسىندا 80 ورىندىق جاڭا مەكتەپ اشىلدى. قوس قاباتتى ءبىلىم ورداسى زاماناۋي تالاپتارعا ساي جابدىقتالىپ، وقۋشىلارعا ساپالى ءبىلىم الۋعا بارلىق جاعداي جاسالعان. وعان قوسا، بيىل قىركۇيەكتەن باستاپ، ءبىلىم وشاعىندا 25 بالاعا ارنالعان شاعىن ورتالىق اشىلادى. ول جەردە 3-6 جاس ارالىعىنداعى بۇلدىرشىندەر ءبىلىم الادى.
جاڭا مەكتەپتىڭ اشىلۋ سالتاناتىنا ۇستازدار، اتا-انالار مەن وقۋشىلار قاتىستى.
ءوڭىر باسشىسى جاڭا مەكتەپتىڭ اشىلۋى – اۋىل تۇرعىندارى ۇزاق كۇتكەن ماڭىزدى قۋانىش ەكەنىن اتاپ ءوتتى.
«ءبىز بالالارىمىزدىڭ ساپالى ءبىلىم الۋىن قامتاماسىز ەتۋ ءۇشىن بار كۇشىمىزدى سالامىز. بۇل مەكتەپ – وڭىرىمىزدەگى ءبىلىم بەرۋ ساپاسىن جاقسارتۋعا باعىتتالعان ناقتى قادام. بالالارىمىزدىڭ بولاشاعى جارقىن بولۋى ءۇشىن وسىنداي يگى ىستەر جالعاسىن تابادى»، – دەدى ءوڭىر باسشىسى ءوز قۇتتىقتاۋىندا.
جاڭا مەكتەپ قاجەتتى ينفراقۇرىلىممەن تولىق قامتىلعان. وندا ءپان كابينەتتەرى، زاماناۋي جابدىقتالعان زەرتحانالار، كىتاپحانا، اسحانا جانە سپورت زالى قاراستىرىلعان. سونىمەن قاتار، ءبىلىم ورداسى وقۋشىلاردىڭ جان-جاقتى دامۋىنا مۇمكىندىك بەرەتىن بارلىق جاعدايمەن قامتاماسىز ەتىلگەن.
تەرەكتى ستانساسىنداعى جاڭا مەكتەپ اۋىل بالالارىنىڭ ساپالى ءبىلىم الۋىنا ۇلكەن مۇمكىندىك بەرەدى. ۇستازدار ۇجىمى وقۋ پروتسەسىن جاڭا ادىستەمەلەر نەگىزىندە ۇيىمداستىرىپ، وقۋشىلاردىڭ ءبىلىم دەڭگەيىن كوتەرۋگە كۇش سالاتىنىن ايتتى.