تالعاردا جانجال كەزىندە پىشاققا ءتۇسىپ مەرت بولعان شەرزات پولاتتىڭ ولىمىنە قاتىستى قىلمىستىق ءىستىڭ الدىن الا سوت تىڭدالىمى 10 ساۋىردە وتەدى. بۇل تۋرالى ءىس بويىنشا جاڭا قورعاۋشى مەيىرمان شەكەەۆ ايتتى، دەپ حابارلايدى «ادىرنا» ءتىلشىسى.
ايتۋىنشا، سوت وتىرىسى تالدىقورعان قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا وتەدى. بۇل شەشىمگە كۇدىكتىلەردىڭ كوپشىلىگىنىڭ وسى قالاداعى ۋاقىتشا ۇستاۋ يزولياتورىندا وتىرعانى سەبەپ بولعان.
قورعاۋشى تالاپ-ارىز سوماسى ناقتى بەلگىلەنبەگەنىن اتاپ ءوتتى.
«ءبىز بارلىق كۇدىكتىگە قاتىستى ازاماتتىق تالاپ-ارىز بەرەمىز»،–دەدى ول.
