وڭتۇستىك كورەيانىڭ كيونسان-پۋكتو پروۆينتسياسىندا بولعان جويقىن ورمان ورتىنە 56 جاستاعى ەر ادام باستى كۇدىكتى رەتىندە ۇستالدى، دەپ حابارلايدى ”ادىرنا” ۇلتتىق پورتالى Hankyoreh باسىلىمىنا سىلتەمە جاساپ.
ول ىيسون اۋدانىنداعى سىنعان اعاشتى سىرىڭكەمەن ورتەمەك بولعاندا، جالىن باقىلاۋدان شىعىپ، ۇلكەن ورتكە ۇلاسقانى انىقتالدى.
56 جاستاعى ازامات «ورماندى قورعاۋ تۋرالى» زاڭدى بۇزدى دەگەن كۇدىكپەن 30 ناۋرىزدا قاماۋعا الىنباستان ۇستالدى. تەرگەۋ بارىسىندا ونىڭ قىزى اكەسىنە قارسى كۋالىك بەرىپ، ءورتتىڭ اكەسىنىڭ ارەكەتىنەن باستالعانىن راستادى.
ءورت ىيسوننان باستالىپ، اندون، چحونسونە، انيان جانە يوندوك اۋداندارىنا تارادى. 28 ناۋرىزدا كيونسان-پۋكتو پوليتسياسى ءىستى جەرگىلىكتى بيلىكتەن الىپ، ءوز باقىلاۋىنا الدى. تەرگەۋ جۇمىستارى جالعاسۋدا.
بۇل ءورت وڭتۇستىك كورەيا تاريحىنداعى ەڭ اۋقىمدى ورتتەردىڭ ءبىرى بولدى. سالدارىنان 26 ادام، ونىڭ ىشىندە تىكۇشاق ۇشقىشتارى، ءورت سوندىرۋشىلەر جانە جەرگىلىكتى تۇرعىندار قازا تاپتى. 4 مىڭنان استام عيمارات جويىلىپ، ۇلتتىق رەليكۆيا – گوۋنسا حرامى ورتەنىپ كەتتى. جالىن 45 157 گەكتار اۋماقتى شارپىدى، بۇل سەۋل اۋماعىنىڭ 75 پايىزىنا تەڭ.
