مەملەكەت باسشىسى قاسىم-جومارت توقاەۆ “قازاقستان رەسپۋبليكاسىنىڭ ۇكىمەتى مەن وزبەكستان رەسپۋبليكاسىنىڭ ۇكىمەتى اراسىنداعى "ورتالىق ازيا" حالىقارالىق ونەركاسىپتىك كووپەراتسيا ورتالىعىنىڭ قىزمەتىن رەتتەۋ تۋرالى كەلىسىمدى راتيفيكاتسيالاۋ تۋرالى" زاڭعا قول قويدى، دەپ حابارلايدى “ادىرنا”.
كەلىسىم قازاقستان مەن وزبەكستان اراسىنداعى ەكونوميكالىق ىنتىماقتاستىقتى دامىتۋعا، بىرلەسكەن وندىرىستەر قۇرۋعا، ينۆەستيتسيا تارتۋعا جانە جاڭا لوگيستيكالىق تىزبەكتەردى قالىپتاستىرۋعا باعىتتالعان. ونىڭ اياسىندا كەدەندىك راسىمدەردى جەڭىلدەتۋ جانە بيزنەس ءۇشىن قولايلى جاعدايلار جاساۋ قاراستىرىلعان.
سەنات دەپۋتاتى الىشەر ساتبالديەۆ اتاپ وتكەندەي، "ورتالىق ازيا" حالىقارالىق ونەركاسىپتىك كووپەراتسيا ورتالىعىن قۇرۋ – بۇل ءبىزدىڭ ەلدەر اراسىنداعى ساۋدا بايلانىستارىن نىعايتۋعا باعىتتالعان ستراتەگيالىق قادام.
“جوبا ءوزارا ساۋدا كولەمىن ۇلعايتۋعا، بيزنەس ءۇشىن جاڭا پەرسپەكتيۆالار اشۋعا جانە ەكونوميكانىڭ نەگىزگى سالالارىنا ينۆەستيتسيا تارتۋعا مۇمكىندىك بەرەدى. بۇل جاي عانا يندۋستريالىق ايماق ەمەس، سونىمەن قاتار يننوۆاتسيالار، ىنتىماقتاستىق جانە جاڭا وندىرىستىك قۋاتتاردى دامىتۋ ءۇشىن ماڭىزدى الاڭ”، – دەدى الىشەر ساتبالديەۆ سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا.
زاڭنىڭ ءماتىنى باسپاسوزدە جاريالانادى.
