اقتاۋدا شەنەۋنىكتەر ءبىر كيىز ءۇيدى 7 ملن تەڭگەگە جۋىق قارجىعا ساتىپ الماق بولعان. بارلىعى 12 كيىز ءۇي ساتىپ الۋدى جوسپارلاعان. الايدا پروكۋرورلار بۇل ارەكەتتىڭ جولىن كەسكەن، دەپ حابارلايدى «ادىرنا» ءتىلشىسى «استانا» تەلەارناسىنا سىلتەمە جاساپ.
قاداعالاۋ ورگانىنىڭ قىزمەتكەرلەرى ساراپتاما جۇرگىزىپ، مۇنداي تاۋاردى 6 ملن 750 مىڭ تەڭگەگە ەمەس، 1,5 - 2 ميلليون تەڭگەدەن دە ساتىپ الۋعا بولاتىنىن انىقتاعان.
«ءبىزدىڭ ۇسىنىسىمىزدى قاراۋ ءۇشىن اكىمدىك قىزمەتكەرلەرىنە ءبىر اي ۋاقىت بەرىلدى. سودان كەيىن ولار وسى سومانى بەلگىلەگەندەرگە قانداي شارا قولدانعانى تۋرالى جازباشا جاۋاپ بەرۋى قاجەت. ءىس-ارەكەتتەردى تارتىپتىك كوميسسيا قارايدى. ياعني، كىنالىلەرگە قانداي جازا تاعايىندالاتىنىن قالا باسشىلىعى شەشەدى»،—دەپ ءتۇسىندىردى اقتاۋ قالالىق پروكۋراتۋراسىنىڭ قوعامدىق مۇددەنى قورعاۋ جونىندەگى پروكۋرورى البەرت ەسمۇرزاەۆ.
